O‘zbekiston xаlq demokrаtik pаrtiyasining ustаvi

9. Saylov okruglaridagi partiya guruhlari va partiya tashkilotlarining birlashmalari

Qonunchilik palatasi, Qoraqalpog‘iston Respublikasi Jo‘qorg‘i Kengesi, хalq deputatlari viloyat, tuman va shahar Kengashlariga saylov okruglaridagi partiya guruhlari, tegishli saylov okrugi bo‘yicha partiyadan deputatlikka ko‘rsatilgan nomzodlarning saylovoldi mavsumini tashkiliy va targ‘ibiy-tashviqiy jihatdan ta’minlaydigan partiya a’zolarini birlashtirish va okrug saylovchilarida partiyaning ijobiy imijini yaratish maqsadida tuziladi.

Ushbu maqsadlarda:

Qonunchilik palatasiga saylov o‘tkazuvchi okruglarda – O‘zbekiston ХDP tuman, shahar tashkilotlari birlashmalari;
Qoraqalpog‘iston Respublikasi Jo‘qorg‘i Kengesi, хalq deputatlari viloyat, tuman va shahar Kengashlariga saylov o‘tkazuvchi okruglarda – boshlang‘ich partiya tashkilotlari birlashmalari tuzilishi mumkin.
Partiya rahbar organining partiya tashkilotlari birlashmalarini tuzish to‘g‘risidagi qaroriga binoan, saylov okruglaridagi tegishli partiya guruhlari rahbarlariga saylov mavsumini olib borish bo‘yicha partiya tashkilotlari birlashmalarining faoliyatini muvofiqlashtirish huquqi berilishi mumkin.

Saylov okruglarida partiya guruhlari va partiya tashkilotlari birlashmalarini tuzish hamda ular faoliyatini tashkil qilish to‘g‘risidagi Nizom O‘zbekiston ХDP Markaziy Kengashi Siyosiy ijroqo‘mining qarori bilan tasdiqlanadi.

10 . O‘zbekiston ХDP a’zolari birlashmalarining boshqa shakllari

Partiya a’zolari va partiya saylanma organlarining tashabbusi bilan partiya klublari, siyosiy markazlar, qiziqishlar va muammolar, shu jumladan, kasb-kor bo‘yicha ham birlashishning хilma-хil shakllari tashkil qilinishi va faoliyat ko‘rsatishi mumkin. Ular partiyaning dasturiy hujjatlariga asoslanib turli masalalarni muhokama qiladilar, o‘z takliflarini ishlab chiqadilar va ularni har qanday darajadagi partiya tashkilotlari hamda ularning saylanma organlari muhokamasiga kiritadilar.