O’zbekiston respublikasi xalq tа’limi vаzirligi

Xulosa va tavsiyalar………………………………………………………………29

Foydalanilgan adabiyotlar……………………………………………………….30

Ilovalar.

Kirish.

Umumiy o‘rtа tа’lim mаktаblаridа boshqa majburiy fanlar qatorida mehnat tа’limi fani yosh avlodda umummehnat ko`nikmalarini shakllantirish va ularni ongli ravishda kasbga yo`naltirish maqsadida o`qitiladi. Mehnat ta’limi fani bo`yicha o`quv jarayonini milliylik asosida tashkil qilishda o‘quv dаsturlаrini milliylikni e’tibоrgа оlgаn hоldа tuzish va shu bo`yicha o‘quv dаrsliklаrini yarаtish kаbi ishlarni amalga oshirish kerak bo‘ladi. Bu borada mamlakatimizda bir qancha ishlar amlaga oshirilmoqda. Masalan, akademik lisey va kasb-hunar kollejlarining qurilishi, maktablarni kapital remont qilib, zamonaviy texnika va jihozlari bilan ta’minlanishi, zamonaviy darsliklar, elektron darsliklarni yaratilishi yuqoridagi fikrlarimizning isbotidir. Demak, mana shu qulayliklardan foydalanib,malakali kadrlar etishtirish albatta pedagog xodimlarning vazifasidir.

O’quvchilarda loyihalash va konstruksiyalash qobiliyatlarini shakllantirishda pedagoglarning roli katta. Aslida hamma inson qobiliyatli, iste’dodli bo’lib dunyoga keladi. Bolaning yoshligidanoq nimaga moyillik, qobiliyati borligini o’z vaqtida etib, uni rivojlantirsak, u haqiqiy tug’ma iste’dod egasiga aylanadi. Agar vaqtida buni anglab etmasak va uni qiziqishlariga bee’tibor bo’lsak, undagi iste’dod so’nib xudbin shaxsga aylanadi. Shuning uchun pedagoglar zimmasiga katta vazifalar yuklatiladi. Ayniqsa texnologiya fani mashg’ulotlarida o’quvchilarni loyihalash va konstruksiyalash qobiliyatlar shakllantirishda qulay imkoniyatlar mavjud.

Maktabning texnologiya fani ustaxonalaridagi texnikaviy konstruktsiyalashni ma’lum darajada malakali konstruktorlar, texnologlar, stanokchi ishchilar, yig’uvchilar va sozlovchilar faoliyati bilan taqqoslash mumkin. Chunki ishlab chiqarish sharoitida yangi mashinalarni yaratish singari ta’lim ustaxonalarida turli buyumlarni, texnikaviy modellarni yaratish jarayoni ham quyidagi bosqichlardan: texnikaviy fikrning tug’ilishi (mashina, mexanizm, modelning konstruktsiyasi), mo’ljallangan buyumga texnikaviy talablarning qo’yiliysh, konstruktsiyaning eskizlar holida ishlab chiqish, zarur materiallar ea asboblarni tanlash, o’ylab qo’yilgan buyum detallarini tayyorlash va ularni uzellarga yig’ish, uzellardan buyum tayyorlash, buyumni ishda sinab ko’rish va uni sozlash bosqichlaridan tashqil topadi.