O'zbekiston respublikasi turizm va sport vazirligi

4. Aralash mashg‘ulotlar. Mashg‘ulotlar dekabr, mart va aprel oylarida о‘tkazish uchun mо‘ljallangan.Mashg‘ulotning vazifalari - harakat malakalari va kasb uchun muhim bо‘lgan jismoniy sifatlarni rivojlantirish va takomillashtirish; organizmni tashqi muhitni noqulay ta’sirlariga chidamliligini oshirish; axloqiy-irodaviy sifatlarni takomillashtirish.

Kirish-10 minut, asosiy qism-62 minut, yakuniy qism-12 minut. Asosiy qism dastlab ochiq havoda va keyin sport saroyida о‘tkaziladi. Ochiq havoda: yurish va yugurish-12 minut; 4 marta 1 minutdan yugurish; 4 marta 1 minutdan yurish; nafas olish , umumrivojlantiruvchi va amaliy mashqlar-20 minut; sport saroyiga kirish va mashqlarni davom ettirish uchun tayyorlanish-10 minut; “bekatlarda” aylanib mashq qilish-25 minut. Yakuniy qism nafasni rostlovchi, diqqat, mushaklarni bо‘shashtiruvchi va harakatlarning uyg‘unligini ta’minlovchi mashqlarni bajarish-8 minut; dars tahlili- 5 minut. Mashq jadalligi va miqdori bо‘yicha yurak urishi 148-150 dan kam bо‘lmasligi kerak. Fevral oyi sinov va imtihonlar davri bо‘lganligi uchun barcha talabalar bilan sog‘lomlashtiruvchi ommaviy sport tadbirlari о‘tkaziladi. Maxsus tibbiy guruhlarda mashg‘ulotlar kasallik xususiyatlari e’tiborga olingan holda о‘tkaziladi va tibbiy xodim maslahati bilan yurak urishi soni belgilanadi, u kasallik xususiyatiga kо‘ra 72 dan 120 tagacha bо‘lishi mumkin. KAJT jarayonida talabalarga oddiy sport-sog‘lomlashtirish tadbirlarini tashkil etish va о‘tkazish, hakamlik, yо‘riqchilik bо‘yicha ham malaka va kо‘nikmalarni berish lozim. KAJT jarayonida milliy va mahalliy harakatli о‘yinlardan, sport turlaridan foydalanish ham maqsadga muvofiqdir. Talabalar bilan olib boriladigan KAJT ularning sog‘lom turmush tarzini kechirishiga asos qilib, olib borilishi kerak.