O’zbekiston respublikasi qishloq xo’jaligi vazirligi

Buni qanday izohlaysiz? Guruh boʻlib sharhlang?
4. Respublikadagi viloyatlardan birining hokimi viloyat hududida joylashgan 30 ga yerni qazish va qazilma boyliklarini qayta ishlash maqsadida xorijiy kompaniyaga 50/50 shartnoma asosida topshirdi. Biroq huquqni muhofaza qiluvchi organ ushbu shartnomani noqonuniy ekani, viloyat hokimi yer berishga haqli emasligini aytib, shartnoma bajarilishiga toʻsqinlik qildi. Viloyat hokimi esa, viloyat hududidagi yerga egalik qilish va undan foydalanish huquqi mavjudligini hamda oʻz harakatlari qonuniy ekanini bildirdi.
Ushbu holat yuzasidan sizning fikringiz?
6-mavzuFuqarolik huquqining obyektlari
Reja
1.Fuqarolik huquqi obyektlari tushunchasi va tasniflanishi.
2. Fuqarolik huquqida ashyolar
3. Fuqarolik huquqi obyektlarining turlari:
4. moddiy ne’matlar;
5. nomoddiy ne’matlar
Fuqarolik huquqi obyektlari tushunchasi va tasniflanishi
Fuqarolik huquqining obyekti huquq subyektlarining harakatlari qaratilgan moddiy va nomoddiy ne’matlardir. Faqatgina qonunchilik obyekt ustida o‘rnatiladigan huquq va majburiyatlar, harakatlar qonun hujjatlari va axloq normalari asosida amalga oshirilishini talab etadi. Xususan, xavfsizlikni ta’minlash, insonlarning hayoti va sog‘lig‘ini himoya qilish, tabiatni va madaniy boyliklarni muhofaza qilish yuzasidan ba’zan fuqarolik huquqi obyektlarining muomalada bo‘lishi cheklanishi mumkin.
Bozor munosabatlari sharoitida fuqarolik huquqi obyektlari doirasi kengaydi. Masalan, obyekt sifatida xususiy mulk, qimmatli qog‘ozlar keng muomalaga kirib keldi, intellektual mulkning yangidan-yangi obyektlari (integral mikrosxemalar topologiyalari, nou-xaular) vujudga keldi, ishlar va xizmatlar doirasi kengaydi, tijorat siri mustahkamlandi.
Fuqarolik huquqlarining obyektlariga ashyolar, mol-mulklar, mulkiy huquqlar, pullar va qimmatli qog‘ozlar, ishlar va xizmatlar, intellektual faoliyat natijalari, shaxsiy-nomulkiy huquqlar kiradi (FK 81-modda).
Fuqarolik huquqi obyektlarini ikki turga, ya’ni moddiy (ashyoviy) va nomoddiy (noashyoviy) ne’matlarga bo‘lish mumkin.
Ashyo o‘zining iqtisodiy tayinlanishiga, jismiy va boshqa xususiyatlariga ko‘ra quyidagicha tasniflanadi: