O`zbеkiston rеspublikasi oliy va o`rta maxsus ta'lim vazirligi

Fanning maqsadi va vazifalari.

“Informatika o’qitish metodikasi” fanini o’qitishdan maqsad- bo’lajak o’qituvchilarni Informatika va axborot texnologiyalari fanini o’qitish, kasbiy faoliyatda zamonaviy pedagogik va axborot texnologiyalarini qo’llash,informatikadan turli-tuman shakldagi sinf va sinfdan tashqari ishlarni tashkil etish hamda o’tkazishga tayyorlash, ta’lim-tarbiya sohasinin axborotlashtirishning yo’llari va istiqbollari haqidagi tasavvurlarini rivojlantirish va chuqurlashtirish, informatika o’qituvchisining kasbiy sohasida egallashi lozim bo’lgan bilimlar, amalda qo’llash uchun ko’nikma va malakalarni shakllantirish hamda rivojlantirishdan iborat. Pedagogikaning informatika fani umumta’lim maktablari, akademik lisey va kasb-hunar kollejlarida informatika va axborot texnologiya, va shu yo’nalishdagi fanlarini o’qitish qonuniyatlarini tadqiqot qiluvchi bo’limi hisoblanadi. Informatika va axborot texnologiyalarini o’qitish nazariyasi va metodikasi fanining maqsadi bo’lajak informatika o’qituvchisi o’sib kelayotgan avlodning umum ta’lim maktablari, akademik litsey va kasb-hunar kollejlarida o’qitiladigan Informatika va axborot texnologiyalari fanlarining ahamiyatini, uning mazmunini ajratish tamoyillarini, shuningdek, informatika fanining boshqa fanlar bilan aloqadorligini tushunishdan hamda rivojlantirishdan iboratdir.

Ushbu maqsadga erishish uchun fan talabalarga bo’lajak informatika o’qituvchisi sifatida umumiy o’rta ta’lim maktablari, akademik litsey va kasb-hunar kollejlarida o’qitiladigan Informatika va axborot texnologiyalari fanining ahamiyati, uning mazmuni, tamoyillari, shuningdek, fanning boshqa fanlar bilan aloqadorligiga oid nazariy bilimlar, amaliy ko’nikma va malakalarini shkllantirish vazifalarini bajaradi.