O`zbekiston respublikasi oliy va o`rta maxsus ta’lim vazirligi islom karimov nomidagi toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

Bitiruv ishining ob’ekti va predmeti. Bitiruv ishining ob’yekti Toshkent davlat transport universiteti, Avtomobil transporti muhandisligi fakulteti, “Avtomobil va avtomobil xo’jaligi” kafedrasida o’qitiladigan “Avtomobillar texnik ekspluatasiyasi va servisi” fanini o’rganish doirasidagi nazariy amaliy masalalarini qamrab oladi.
Bitiruv ishining predmetini “Avtomobillar texnik ekspluatasiyasi va servisi” fanning “Avtomobil dvigatellarining sovitish tizimiga texnik xizmat ko`rsatish texnologiyasi” mazmuni, shakli, vositasi uni yoritishning usullari tashkil etadi.
Bitiruv ishining maqsadi va vazifalari. “Avtomobillar texnik ekspluatasiyasi va servisi” fanining “Avtomobil dvigatellarining sovitish tizimiga texnik xizmat ko`rsatish texnologiyasi” mavzusi bo`yicha o`qitishning nazariy va amaliy masalalarini tadqiq etish, hamda mavzu bo`yicha ilg`or innovasion pedagogik texnologiyalarni qo`llashning samarasi bo`yicha xulosalar va tavsiyalar ishlab chiqish bitiruv ishining maqsadi hisoblanadi.
Belgilangan maqsadni amalga oshirishda quyidagi vazifalar belgilab olindi:

• 
  “Avtomobillar texnik ekspluatasiyasi va servisi” fani taraqqiyotida ustuvor yo`nalishlarini nazariy va amaliy tahlil qilish.
  
• 
  Fanni o`qitishda ta’lim sifat ko`rsatkichiga samarali ta’sir etuvchi ilg`or ta’lim texnologiyalari va xorijiy tajribalarni tahliliy o`rganish va samarador innovasion texnologiyalarni aniqlash.
  
• 
  “Avtomobil dvigatellarining sovitish tizimiga texnik xizmat ko`rsatish texnologiyasi” mavzusining moduli ishlanmasini tayyorlash;
  
• 
  Oliy ta’lim muassasalarida “Avtomobillar texnik ekspluatasiyasi va servisi” fanini o`qitishni yanada takomillashtirish yuzasidan taklif va tavsiyalar ishlab chiqish.
  

Bitiruv ishini tayyorlashda foydalanilgan adabiyotlar va normativ-huquqiy hujjatlarning qisqacha o`zaro tahlili.
2017 — 2021 yillarda O’zbekiston Respublikasini rivojlantirishning beshta ustuvor yo’nalishi bo’yicha “Harakatlar strategiyasi”ning to’rtinchi bandi “Ijtimoiy sohani rivojlantirishning ustuvor yo’nalishlari”da keltirilgan “Ta’lim va fan sohasini rivojlantirish”, shuningdek O’zbekiston Respublikasi oliy ta’lim tizimini 2030 yilgacha rivojlantirish konsepsiyasida oliy ta’lim tizimini takomillashtirish bo’yicha ustuvor yo’nalishlar belgilab olingan.
Bitiruv ishini tayyorlashda bir qancha adabiyotlar nazariy tahlil qilindi. Jumladan: ushbu soha rivojiga hissa qo‘shgan yurtimiz olimlari Sidiqnazarov Q.M., Musajonov M.Z., Ikramov M.A., Qodirshoev T., Muminjonov N.M., Rasulov X.A., Magdiev SH.P., va b., shuningdek, Rossiyalik olimlar Kuznesov E.S., Napolskiy G.M., Yanchevskiy V.A., Voronov V.P. va b., xorijiy olimlardan James D.Halderman hamda pedagog olimlardan ta’limdagi innovasion faoliyatni tadqiq qilgan xorijiy olimlar F. N. Gonobolin, S. M. Godnin, V. I. Zagvyazinskiy, V. A. Kankalik va o`zbek olimlaridan N.N.Saydahmedov, N.A.Azizxodjaeva, R.J.Ishmuhamedov, X.I.Axmedovlar tomonidan yaratilgan ilmiy tadqiqotlar, darslik va o`quv qo`llanmalar, shuningdek, ilmiy maqolalar o`rganilib, nazariy tahlil qilindi va mavzuni yoritishda foydalanildi.
Ishmuhammedov R. Abduqodirov A. Pardayev A. Larning “Ta’limda innovatsion texnologiyalar” qo’llanmasidan ta’ilmni rivojlantirishning innovatsion texnologiyalari tahlil qilindi.
SH.P. Magdiyevning “Avtomobillar texnik ekspluatatsiyasi va servisi” nomli darsligida Avtomobillarga texnik ekspluatatsiyasi va servisining holati, avtomobillarning ishlash jarayonida texnik holatini o’zgarish sabablari, zamonaviy avtomobillarga texnik xizmat ko’rsatish va ta’mirlash tizimi, avtomobillarga texnik xizmat ko’rsatish va joriy ta’mirlash texnologiyasi asoslari, ishlab chiqarishni boshqarish usullari va moddiy texnika ta’minotini tashkil etish, avtomobil transportini turli ekstremal sharoitlardagi ekspluatatsiyasi, ekalogik havfsizligini ta’minlash usullari, avtomobil texnik ekspluatatsiyasining rivojlanish istiqbollari keng yoritilgan.