O`zbekiston respublikasi oliy va o`rta maxsus ta’lim vazirligi islom karimov nomidagi toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

Bilaman – bilishni xoxlayman – bilib oldim (B - B - B). matnni interfaol o`qitish – o`zlashtirish metodlaridan biri bo`lib, u jadval ko`rinishida bajariladi. Ta’lim oluvchilarga biror mavzu e’lon qilinadi. Bu to`g`rida ular ma’lum bo`lgan axborotlarni jadvalning “bilaman” qismiga, mavzu bo`yicha yana qanday ma’lumotlarni bilishni xoxlashsa, ularni jadvalning “bilishni xohlayman” qismiga yozadilar. So`ngra, ularga mavzuga oid matn tarqatiladi. Ular mikroguruhlar tarkibida matnni mustaqil o`zlashtirib, jadvalning “bilib oldim” qismini to`ldiradilar. Har bir mikroguruh sardori (vakili) tuzilgan jadvallarni taqdim qiladilar. Jadvalning barcha qismlari taqqoslanib, ta’lim oluvchilarda mavjud bo`lgan va qo`shimcha o`zlashtirilgan axborotlar taqqoslanib, munozara qilinadi hamda mavzuning o`zlashtirilganligi tahlil qilinadi.

II BOB. “AVTOMOBIL DVIGATELLARINING SOVITISH TIZIMIGA TEXNIK XIZMAT KO`RSATISH TEXNOLOGIYASI” MAVZUSINING INNOVATSION TA’LIM TEXNOLOGIYASI ASOSIDAGI ISHLANMASI
2.1. “Avtomobillarning texnik ekspluatasiyasi va servisi ” fani dasturining qisqacha mazmuni.
“Avtomobillarning texnik ekspluatasiyasi va servisi” fani bo`yicha tuzilgan ushbu namunaviy dastur -“5313100 - Avtomobil transporti, yo`l qurilish mashinalari va jihozlarining ekspluatasiyasi (avtomobiltransporti bo`yicha) ta’lim yo`nalishining DTS talablari asosida tuzilgan bo`lib, dastur avtomobillarning texnik servisi” fanini o`qitishda tayyorlanayotgan keng qamrovli mutaxassisga avtomobillarning texnik servisi sohasida avtomobillar ishonchliligini yuqori darajada saqlashni, texnik holatini tiklashni ta’minlaydigan texnik xizmat ko`rsatish va ta’mirlash, ularning atrof muhitga ta’sirini kamaytirish muammolari haqida nazariy va amaliy bilimlar berish, unda fanga, o`z kasbiga qiziqishni orttirish, mehr oqibat kabi masalalarini qamraydi.
2.1.1. O`quv fanining maqsadi va vazifalari
Fanni o`qitishdan maqsad – Fanni o`qitishdan maqsad talabalarda zamonaviy avtomobillarning texnik servisini iqtisodiy va ijtimoiy ahamiyatini chuqur anglash va uning tarkibi hamda ishlab chiqarishini talab darajasida tashkil etish to`g`risida ilmiyamaliy bilimlar va o`quvlar tizimini shakllantirish, uni o`qitishda ilmiytekshirish ishlarida, ishlab chiqarishda orttirilgan ko`p yillik tajribadan foydalanib, bozor iqtisodiyoti sharoitida avtomobil transportining rivojlanishi va undan texnik foydalanish masalalari hamda mamlakatimiz va chet ellar tajribalari, avtomobil transportiga texnik xizmat ko`rsatish, joriy ta’mirlash, servisi va rivojlanish istiqboli masalalari talabalarga o`rgatiladi.
Fanning vazifasi – talabalarda bozor iqtisodiyoti sharoitida avtomobil transportining rivojlanishi va undan texnik foydalanish masalalari hamda mamlakatimiz va chet ellar tajribalari, avtomobil transportiga texnik xizmat ko`rsatish, joriy ta’mirlash, servisi va rivojlanish istiqboli masalalari bo`yicha nazariy va amaliy bilimlarni shakllantirishdan iborat.