O‘zbekiston respublikasi oliy va o’rta maxsus ta’lim vazirligi farg’ona davlat

Siyosiy ishtirok: 1) to’g’ridan-to’g’ri (bevosita) va bavosita amalga oshirilishi mumkin; 2) umumiy va cheklangan; 3) ixtiyoriy va majburiy; 4) an’anaviy, faol va passiv; 5) legitim va kolegitim; 6) qonuniy va qonunga xilof bo’lishi mumkin.
Siyosiy ishtirok shakllari ham turlicha. Ularga:
1) axborot qabul qilish va uzatish;
2) siyosat va davlat arboblari hamda tashkilotlari bilan muloqot;
3) saylov va boshqa siyosiy kompaniyalarda ishtirok;
4) namoyishlarda, siyosiy ish tashlashlarda, ommaviy norozilik harakatlarida, ozodlik urushlari va inqiloblarda;
5) boshqaruv va o’z-o’zini boshqaruvda;
6) qonunlar yaratish, ularni himoya qilish va ularga amal qilishda;
7) siyosiy partiyalar va ijtimoiy siyosiy harakatlar faoliyatda ishtirok etish kiradi.
Siyosiy ishtirok quyidagi vazifalarni bajaradi:
1) turli manfaatlar, talablar, umidlarni ifodalash, muvofiqlash-tirish, amalga oshirish;
2) siyosatchilar va boshqaruv apparati xodimlarini tanlash. Ular faoliyatini nazorat etish;
3) boshqaruvga doir qarorlar va siyosat yo’nalishini belgilashga aholini jalb etish;
4) siyosiy ijtimoiylashuv;
5) ixtiloflarning oldini olish va bartaraf etish;
6) byuroktariya bilan kurashish, fuqarolarni siyosat va boshqaruvdan begonalashuviga qarshi kurash.
Siyosatni amalga oshirish uchun uning barcha darajalarida zarur narsalar quyidagilar:
1. SHaxslar – siyosiy faoliyat sub’ektlari.
2. Mexanizmlar – an’analar, urf-odatlar, qoidalar, qonunlar siyosiy faoliyat sub’ektlariga ta’sir etish uslublari.
3. Institutlar – siyosiy faoliyat sub’ektlarining siyosiy faoliyat mexanizmlari bilan aloqadorlikda amalga oshuvchi tadbirlarni qo’llab-quvvatlovchi, turtki beruvchi, nazorat qiluvchi va tekshiruvchi tashkilotlar.
Siyosiy jarayonlar deb jamiyatning siyosiy hayotida turli xildagi voqea-hodisalarning ro’y berib turishi, ularning ob’ektiv qonuniyatlar harakati asosida davom etishi va shu asosda jamiyatning siyosiy jihatdan rivojlanib borishiga aytiladi.