O`zbekiston Respublikasi Oliy va O`rta Maxsus Ta`lim Vazirligi Buxoro Davlat universiteti Ijtimoiy-iqtisodiy fakul’teti Iqtisodiy ta`lim va turizm kafedrasi

XULOSA VA TAKLIFLAR
Turizmning rivojlanishi bevosita bu majmuaga aloqador sohalarning, jumladan mehmonxona xo’jaligining samaradorligini va sifatini oshirish bilan bog’liq. Boy turistik resurslarga ega bo’lishiga qaramay, O’zbekistonda mavjud imkoniyatdan foydalanish darajasi talab qilingan holatdan ancha kam. Turizm ko’lamining kengayishi bilan xizmat ko’rsatish korxonalarining, jumladan mehmonxonalar soni ham oshib boraveradi. Umuman 2009 yilda 2006 yildagiga qaraganda viloyatimizda turistik xarajatlar hajmi taxminan 7 barobar oshgan. Buxoro Respublikamizning turistik va xizmat ko’rsatish sohasida eng etakchi hududlaridan biri hisoblanadi.

Mehmonxonalar industriyasining rivojlanishida mehmondo’stlik, mehmonlarni kutib olish va kuzatib qo’yish xizmatlarining samaradorligini oshirishda birinchi navbatda joylashtirish infratuzilmalarini zamonaviy texnologiyalar talablari asosida yaratishni zaruriy shart qilib qo’ymoqda.

“Oilaviy tadbirkorlik to`g’risida”gi qonunda O`zbekiston Respublikasida oilaviy tadbirkorlik ikki shaklda, ya`ni yuridik shaxs tashkil etgan yoki tashkil etmagan holda amalga oshirilishi mumkinligi mustahkamlab qo`yilgan. Yuridik shaxs tashkil etmasdan oilaviy tadbirkorlikning shakli hisoblangan yakka tartibdagi tadbirkorlik ko`pchilikka tanish bo`lganligi sababli biz asosan yuridik shaxs tashkil etgan holda oilaviy tadbirkorlikni tashkil etish va yuritish to`g’risida mulohaza yuritamiz. Aslida “Oilaviy tadbirkorlik to`g’risida”gi qonunin` yangiligi va jozibadorligi ham yuridik shaxs tashkil etgan holda tadbirkorlik yuritishdadir.

O’zbekistonda bugungi kunda mexmonxona xo’jaligi tez sur’atlarda rivojlanib kelmoqda.Shu jumladan Buxoro viloyatida ham bu sohadagi rivojlanishlar yaqqol ko’zga tashlanmoqda.Hukumatimiz tomonidan oilaviy biznesni rivojlantirish uchun berilayotgan imtiyozlar tufayli mexmonxona xo’jaligi sohasida ham oilaviy biznes faol rivojlanib kelmoqda.