O`zbekiston Respublikasi Oliy va O`rta Maxsus Ta`lim Vazirligi Buxoro Davlat universiteti Ijtimoiy-iqtisodiy fakul’teti Iqtisodiy ta`lim va turizm kafedrasi

Oilaviy tadbirkorlik rivoji yo’lidagi imtiyozlar.

Mamlakatimizda istiqlilning dastlabki yillaridan kichik biznes va xususiy tadbirkorlikni rivojlantirish, ularga qulay shart-sharoitlar yaratish va huquqiy erkinligini oshirish borasida oqilona siyosat olib borilmoqda. Izchillik bilan amalga oshirilayoygan, avvalo soliq yukini kamaytirishga qaratilgan soliq siyosati tadbirkorlarning ishbilarmonlik faolligi va moliyaviy barqarorligini yuksaltirishga xizmat qilmoqda.

Xususan, 2012 yilda soliq yuki, 1991 yil bilan taqqoslanganda, yalpi ichki maxsulotga nisbatan qariyb 2 barovarga kamayib, 41,2 % dan 22 %ga tushirildi. 

Kichik biznes va xususiy tadbirkorlik sub’yektlarida soliq yukini sezilarli darajada kamaytirish, bunda aholi bandligi va daromadlarini ta’minlash maqsadida 2012 yilning 1 yanvaridan sanoat sohasidagi mikrofirma va kichik korxonalar uchun yagona soliq to’lovi stavkasi 6 foizdan 5 foizga tushirildi. 

Ta’kidlash lozimki, yangi ish o’rinlarining 64 foizidan ortig/I kichik biznes va xususiy tadbirkorlikni rag’batlantirishda imtiyozlar hamda preferensiyalar berish, 28 foizidan ziyodi esa yangi korxonalar tashkil etish, kasanachilik faoliyatini kengaytirishhisobidan yaratildi.

Shu o’rinda 2012 yilda kichik biznes va xususiy tadbirkorlikni yanada rivojlantirish hisobidan 480 mingdan ziyod kishini ish bilan ta’minlash, kasanachilikning turli shakllarini va oilaviy tadbirkorlikni rivojlantirish orqali 210 mingdan ortiq kishining bandligini ta’minlanishi bugungi kunning muhim vazifasidir. 

Yurtimizda 2012 yilni “Mustahkam oila yili” deb e’lon qilinishi, oila institutini yanada mustahkamlash va rivojlantirish bo’yicha amalga oshirilayogan ishlarni yangi bosqichga ko’tarisg, oila uchun yanada keng imkoniyatlar yaratish hamda xalqimiz farovonligini yanada oshirishni ta’minlashi shubhasiz. 2012 yilning 26 aprelida “Oilaviy tadbirkorlik to’g’risida”gi O’zbekiston Respublikasi Qonun qabul qilindi. Zero, oilaviy tadbirkorlik – oila a’zlari tomonidan tavakkal qilib va o’z mulkiy javobgarligi ostida daromad (foyda) olish maqsadida amalga oshiriladigan tashabbuskorlik faoliyatidir. Sirasini aytganda, kichik biznes va xususiy tadbirkorlikni, jumladan, oilaviy tadbirkorlikni rivojlantirishga qaratilgan chora-tadbirlar xalqimiz farovonligini yuksaltirishda muhim omil bo’lib xizmat qiladi.