Солиқ ҳисобининг объекти ва предмети

Soliq hisobida hisobga olinadigan daromadlar

Sotishdan tushgan daromad

Sotishdan tashqari daromadlar

Faoliyat turi bo’yicha daromadlar

Sotishdan tashqari daromadlar turi

10-rasm. Daromadlarni hisobga olish tizimi

Gastrol-konsert faoliyatini amalga oshirish huquqiga litsenziya ijrochilarga (jismoniy shaxslarga) va ijodiy jamoalarga (yuridik shaxslarga) beriladi. Ular "O’zbeknavo" estrada birlashmasi tomonidan belgilanadigan reyting guruhiga bog’liq holda tabaqalashtirilgan miqdorlarda ushbu faoliyatni amalga oshirish huquqiga davlat boji ham to’laydilar. Soliq kodeksining 389-moddasi va Vazirlar Mahkamasining "Gastrol-konsert faoliyati sohasida soliq solishni va audio-video kassetalarni tarqatishni takomillashtirish chora-tadbirlari to’g’risida" qarori (2001 yil 29 iyundagi 285-son, bundan keyin - 285-son qaror) bilan belgilanishicha, gastrol-konsert faoliyati bilan shug’ullanish huquqiga davlat boji to’lovchi yuridik shaxslar mazkur faoliyat turi bo’yicha imtiyozga egalar. Ular quyidagilardan tashqari soliqlar va majburiy to’lovlarni to’lashdan ozod qilinadilar:

• 
  bojxona to’lovlari;
  
• 
  yagona ijtimoiy to’lov;
  
• 
  davlat maqsadli jamg’armalariga majburiy ajratmalar;
  
• 
  avtotransport vositalarini xarid qilganlik va (yoki) vaqtincha olib kirganlik uchun Respublika yo’l jamg’armasiga yig’im;
  
• 
  to’lov manbaida ushlab qolinadigan soliqlar va boshqa majburiy to’lovlar.
  

Soliq solishning mazkur tartibi gastrol-konsert faoliyati bilan shug’ullanuvchi ijodiy jamoalar (yuridik shaxslar) uchun belgilangan.

Gastrol-konsert faoliyati bilan shug’ullanish huquqiga litsenziya tomosha tadbirlari va konsertlarni tashkil etadigan yuridik shaxslarga berilmaydi. Konsertlar va tomosha tadbirlarini yuridik shaxslar "O’zbeknavo" estrada birlashmasi tomonidan beriladigan bir martalik gastrol-konsert guvohnomasi mavjud bo’lganida tashkil etadilar. Guvohnomani berganlik uchun:

Тoshkent shahrida - eng kam oylik ish haqining 5 baravari miqdorida;

viloyat markazlarida - EKIHning 3 baravari miqdorida;

boshqa aholi punktlarida - EKIHning 1 baravari miqdorida yig’im undiriladi (285-son qaror).