O‘zbekiston respublikasi konstitutsiyasi

TUSHUNTIRISH XATI
Majburiy umumiy o‘rta ta’limning davlat ta’lim standarti, ta’lim yakunida o‘quvchilar egallashi lozim bo‘lgan bilim, ko‘nikma va kompetensiyalarning minimal darajasini belgilab beradi.
Har bir sinf yakunida o‘quvchilar egallashi lozim bo‘lgan bilim, ko‘nikma va kompetensiyalar “chaqiruvga qadar boshlang‘ich tayyorgarlik” fani bo‘yicha ishlab chiqilgan o‘quv dasturida o‘z aksini topadi. Davlat ta’lim standartlari o‘quvchi va talabalarning “chaqiruvga qadar boshlang‘ich tayyorgarlik” fani bo‘yicha bilim va tayyorgarlik darajalarini belgilab beradi, o‘quv reja va dasturlar, darsliklar, qo‘llanmalarni ishlab chiqishda asos bo‘lib xizmat qiladi. “Chaqiruvga qadar boshlang‘ich tayyorgarlik” fani bo‘yicha davlat ta’lim standartini ishlab chiqishda quyidagi me’yoriy va qonun hujjatlari asos qilib olinadi:
-O‘zbekiston respublikasi konstitutsiyasi;
-BMTning bolalar huquqlari bo‘yicha konvensiyasi;
-O‘zbekiston respublikasining 29.08.1997 yildagi “Kadrlar tayyorlash milliy dasturi” va “ta’lim to‘g‘risida”gi qonuni;
-O‘zbekiston respublikasining 12.12.2002 yildagi “Umumiy harbiy majburiyat va harbiy xizmat to‘g‘risida” gi qonuni;
-O‘zbekiston respublikasi vazirlar mahkamasining 23.02.2018 yildagi “yoshlarni harbiy-vatanpavarlik ruhida tarbiyalash konsepsiyasi to‘g‘risida”gi 140-sonli qarori;
-O‘zbekiston respublikasi vazirlar mahkamasining 16.08.1999 yildagi 390-sonli “umumiy o‘rta ta’lim davlat standartlarini tasdiqlash to‘g‘risida”gi qarori va 16.10.2000 yildagi 400-sonli “o‘rta maxsus ta’lim davlat standartlarini tasdiqlash to‘g‘risida”gi qarori;
-O‘zdst1.1:1992.o‘zbekiston respublikasi standartlashtirish davlat tizimi. davlat standartlarini ishlab chiqish, kelishish, tasdiqlash va davlat ro‘yxatidan o‘tkazish tartibi;
-O‘zdst1.9:1995.o‘zbekiston respublikasi standartlashtirish davlat tizimi. tarmoq standartlarini ishlab chiqish, kelishib olish, tasdiqlash va ro‘yxatga olish tartibi;
-O‘zdst1.0:1998.o‘zbekiston respublikasi standartlashtirish davlat tizimi. asosiy qoidalar;
-O‘zdst1157:2008.hujjatlarni unifikatsiyalashtirish tizimi. tashkiliy-farmoyish hujjatlar tizimi. hujjatlarni rasmiylashtirishga bo‘lgan talablar.
UMUMIY QOIDALAR

O‘quvchilarni harbiy-vatanparvarlik ruhida tarbiyalash masalasida,“Chaqiruvga qadar boshlang‘ich tayyorgarlik” fani jismonan va ma’nan sog‘lom barkamol avlodni tarbiyalashda, yoshlarni ongi va qalbiga Ona-Vatanimizni ko‘z qorachig‘idek asrash, himoya qilish sharafli va muqaddas burch ekanini chuqur singdirib borish orqali, Vatanga sadoqat tuyg‘usini shakllantirish, ularni o‘z fuqarolik burchi va konstitutsion majburiyatlarini bajarishga, jamiyat va davlat manfaatlarini himoya qilishga qodir, O‘zbekistonning haqiqiy vatanparvar fuqarolarini tarbiyalash, fanning asosiy mazmunini tashkil etadi.

“Chaqiruvga qadar boshlang‘ich tayyorgarlik” fani chaqiriluvchilarni harbiy xizmatga tayyorlash tizimining tarkibiy qismi hisoblanadi hamda “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonuniga muvofiq tashkil etiladi va olib boriladi.
Chaqiruvga qadar boshlang‘ich tayyorgarlik (keyingi o‘rinlarda ChQBT deb ataladi), shu jumladan fuqaro muhofazasi va tibbiy bilim asoslari bo‘yicha tayyorgarlik o‘quv dasturidagi majburiy fan bo‘lib, umumiy o‘rta ta’lim maktablari va akademik litseylarda CHQBT fani rahbarlari va o‘qituvchilari tomonidan yakuniy bosqich (10-11-sinf) o‘quvchilariga o‘qitiladi.
Chaqiruvga qadar tayyorgarlik darajasi past bo‘lgan chaqiriluvchilar harbiy xizmatga chaqirilishdan oldin qo‘shimcha ravishda bunday tayyorgarlikdan Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklari tomonidan tashkil etiladigan mudofaa-sport sog‘lomlashtirish lagerlarida (keyingi o‘rinlarda MSSL deb ataladi) o‘tishlari mumkin.