O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Uchinchi bosqich. Asosiy maqsad: har xil sharoitda eshkak eshuvchining suv, qayiq va eshkak bilan o’zaro munosabati samarasini oshirish.
Vazifalar: 1. Harakat texnikasini egallash bilimlarini mustahkamlash. 2. Harakat tarzini o’zgartirish qobiliyatini mustahkamlash. 3. Har xil sharoitda harakat texnikasini maqsadli bajarish uchun variativlik diapazonini kengaytirish. 4. Startdan chiqish va finishga kirish texnikasini egallash. 5. Ayrim taktik vaziyatlarni: etakchilik, etakchi tulqinidan foydalangan holda eshkak eshish, tezlanish va shu kabilarni egallash
Eshkak eshuvchi harakat tuzilishini egallashnini barqarorligi «suvni xis qilish», «qayiqni his qilish», «ritmni va tempni his qilish» kabi maxsus tuyg’ularning rivojlanishi bu bosqichning o’ziga xos xususiyati hisoblanadi. Bu bosqichda murabbiy dinamik stereotipni shakllantirishi, har xil tashqi muhit omillariga harakat qobiliyatining optimal sharoitini yaratishi zarur. Harakatlarni har xil sharoitda ko’p marta takrorlash orqali harakat ko’nikmalarini mustahkamlash va ularning variativligiga erishiladi.
O’rgatishning bu bosqichida kinogrammalar yordamida shug’ullanuvchilar harakat texnikasini yuqori malakali eshkak eshuvchilarning namunaviy texnikasi bilan solishtirish maqsadga muvofiq. Bu shug’ullanuvchilarga o’zining texnik tayyorgarlik darajasini o’zi baxolash imkoniyatini beradi
O’rgatish jarayonida shug’ullanuvchilar ijodiy idrokini rivojlantirish vositalaridan foydalanish zarur. (texnik tayyorgarlik holatini mustaqil tahlil qilish, harakat bo’limlarini ayrim bajarish xarakteri va shu kabilar).
To’rtinchi bosqich. Asosiy maqsad: Shug’ulanuvchilarning individual xususiyatlarini hisobga olib eshkak eshish texnikasini egallashni chuqurlashtirishni ta`minlash.
Vazifalar: 1. Individual xatolarni tug’irilash. 2. Harakatning individual usulini shakllantirish.
Bu bosqich shug’ullanuvchilar faoliyatining mustaqilliligi bilan xarakterlanadi. Oldingi bosqichlarda murabbiy yangi o’quv materiallarini berganda uning ahamiyati, egallash usullarini va yullarini, vazifalarning hal qilinishini tushuntirgan bo’lsa, bu bosqichda o’quv jarayoni mustaqillilikni tashkil qilish tomonga ketadi. Bosqichning xarakterli xususiyati harakatning individual usulini shakllantirish hisoblanadi. Asosan, eshkak eshuvchining harakatlari avtomatlashadi. Sportchilarda maxsus muskul sezgisi yaxshi rivojlanadi.
Bu bosqichda o’rgatish shug’ullanuvchining individual xususiyatini hisobga olgan holda amalga oshiriladi: shaxs xususiyati, xarakter chegarasi, intellekt, fikrlash xususiyati, temperament, antropometrik ko’rsatkichlar, xarakat texnikasining xususiyatlari.
Bosqich harakat texnikasini takomillashtirish va eshkak eshuvchi uchun zarur bo’lgan jismoniy sifatlarni tarbiyalash bilan xarakterlanadi.
O’rgatish bosqichlari. Har bir bosqichda qo’yiladigan maqsad va vazifalar. O’rgatish bosqichlarida qo’llaniladigan vositalar xususiyatlari. O’rgatish bosqichlarida qo’llaniladigan uslublar xususiyatlari.