O‘zbekiston respublikasi axborot texnologiyalari va kommunikatsiyalarni rivojlantirish vazirligi

To‘yga aytmadingiz

Saodat xola akajonimni yo‘qlab kelay deb, ertalabdan issiq non yopib, dasturxoncha qilib, qo‘shni qishloqqa paxtazor oralab yo‘lga tushibdi. Bog‘ tarafdan o‘tdi, bu yerga kelib bolakay davrlari esga tushdi, jajjiligidagi o‘rtoqlari yodiga keldi. Birdan hovlidan kelayotgan ovozni eshitib to‘xtab qoldi. Musiqa ashula, «Tabriklaymiz», «Kelinchak qutlug‘ bo‘lsin!» degan so‘zlarni eshitib, beixtiyor xo‘rligi kelibdi. «Huv desa, yetadigan joydaman, bir og‘iz: «Opajon, kelin olyapmiz!» desa bo‘ladi», deya o‘z-o‘ziga gapirganicha kelgan yo‘liga qaytibdi.

Uyga kelsa, akajonisi so‘rida xo‘jayini bilan choy ichib o‘tirganmish.

— Ha, to‘yni boshlab, endi aytgani keldingizmi? — debdi o‘pkaginasi to‘lib Saodat xola.

Saodat xola eshitganlarini to‘kib solibdi.

— Ha, singilginam-a, — debdi akasi. — Axir, u magnitofon-ku? O‘sha sen «uylantirib» qaytgan jiyaning kecha qo‘ymasdan bozorchadan bir qo‘zichoq o‘rniga o‘shani oldirdi. O‘rtog‘ining to‘yini «yozib» kelgandi. Shuni eshitib o‘tirishgandir, shumtakalar.