O‘zbekiston respublikasi axborot texnologiyalari va kommunikatsiyalarni rivojlantirish vazirligi toshkent axborot texnologiyalari universiteti samarqand filiali tillar kafedrasi akademik yozuv o’quv-uslubiy majmua

Samarqand – 2019
O‘zbekiston Respublikasi Oliy va o‘rta maxsus ta’lim vazirligining 2019__ yil “___” _____dagi ______ - sonly buyrug‘i bilan ma’qullangan fan dasturlarini tayanch oliy ta’lim muassasasi tomonidan tasdiqlashga rozilik berilgan.

Fan dasturi Muhammad al-Xorazmiy nomidagi Toshkent axborot texnologiyalari universiteti kengashida ko‘rib chiqilgan va tavsiya qilingan (2019 yil “ _ ” ___________dagi “__” -sonli bayonnoma).

Tuzuvchi:
Abdiyev M. Б. - filologiya fanlari doktori, professor
Raxmatova S.A. – kat.o’qituvchi
Yuldasheva D.B. – assistant

Taqrizchilar:
Eltazarov J.D. – SamDU o‘zbek tilshunosligi kafedrasi professori, f.f.d.
Mahmadiyev Sh.– SamDU o‘zbek tilshunosligi kafedrasi dotsenti, f.f. n.

“Akademik yozuv ” fanining ishchi o‘quv dasturi tillar kafedrasi a’zolarining 2019-yil ____-avgustdagi yig‘ilishida muhokama etilgan va fakultet ilmiy va uslubiy kengashida muhokama qilish uchun tavsiya etilgan(1-bayonnoma).

Kafedra mudiri: dots.Toirova D.F.

Fanining ishchi-o‘quv dasturi TKKT fakulteti ilmiy kengashida muhokama etilgan va foydalanishga tavsiya qilingan(2019-yil ____-avgustdagi 1- bayonnoma)

Fakultet ilmiy kengashi raisi: dots.Narzullayev U.X.
Kelishildi:

Filial o‘quv-uslubiy
boshqarmasi boshlig‘i: Ahmedjanov A.R.

Kirish
Inson jamiyatda yashaydi, uning a‘zosi hisoblanadi. Jamiyat a‘zolari bir- birlari bilan munosabatda bo’ladilar.
Kishi o’z fikrini aniq va ravon ifodalashi uchun tildagi uslublardan ham xabardor bo’lishi, kundalik so’zlashuv tilidan tashqari, rasmiy-ish yuritish tilini ham bilishi kerak.Chunki oddiy ishchimi, tadbirkormi yoki ziyolimi, baribir, hech bo’lmaganda, ariza, tilxat yoki ishonchnoma yozishiga to’g’ri keladi. U yoki bu darajadagi korxona, muassasa yoki tashkilot rahbarining faoliyatini esa ish yuritish qog’ozlarisiz tasavvur etib bo’lmaydi. Shuning uchun ham «Davlat tili haqida» gi qonunning o’zak moddalari (8-14 moddalar)da ish yuritishning tilga aloqador jihatlari qoidalashtirilgan.
Ish yuritishning bevosita asosini hujjatlar tashkil qiladi. Mazmunan, hajman va shaklan xilma-xil bo’lgan hujjatlar jamoalarning, umuman kishilik jamiyatining uzluksiz faoliyatini tartibga solib turadi. Zero, hujjatlar kechagina paydo bo’lgan narsa emas, kishilik jamiyati shakllanishi bilanoq bu jamiyat a’zolari o‘zaro munosabatlaridagi muayyan muhim holatlarni muntazam va qat’iy qayd etib borishga ehtiyoj sezganlar. Ana shu ehtiyoj barobarida dastlabki hujjatlar yuzaga kelgan.
Rasmiy munosabat - ish yuritish har bir davrda o‘ziga xos ro‘y beradi. Yuqorida ta’kidlanganidek, hujjatlar kishilik jamiyatini tartibga solib turuvchi vositadir. Taniqli hujjatshunos A.S.Golovich ta‘biri bilan aytganda, boshqaruv sohasidagi kamchiliklarning asosiy sabablaridan biri soha xodimlarining ko'pchiligi nazariy va amaliy tayyorgarligining bo‘shligidir (“Оформление документов” (Киев, 1983). Shuningdek, ba‘zan hujjatlarga jiddiy munosabatda bo’linmaydi. Mukammal va oqilona tashkil qilingan hujjatchilik har qanday idoradagi ish yuritishning asosi hisoblanadi. Bugungi kunda mustaqil O'zbekistonda ish yuritish xalqimizning birligi va borligi sifatida ijtimoiy hayotdagi o‘rni alohida. Yosh mutaxassislarga bu sohada bilim berish davr taqozosidir.
Akademik yozuv 1 fanini o’qitishning maqsad va vazifalari
Hujjatlar inson faoliyatida muhim o‘rin tutadi. U yoki bu hodisani, holatni tasdiqlash va qayd qilish, ro‘yxatdan o'tkazish maqsadida tuziladi. Hujjatlarning asosiy vazifasi axborot berish, to'plash, saqlashdan iborat. Boshqaruv faoliyatida hujjatlar boshqaruv vazifasini o'tashda asosiy omil hisoblanadi. Hujjat axborot manbai sifatida ham xizmat qiladi.
Hujjatlarni yaratish jarayoni hujjatchilik deb yuritiladi. Hujjatchilik fani korxona va tashkilotlarda olib boriladigan hujjatlarning nazariy va amaliy jihatlari bilan tanishtiradi. Hujjatchilikning muhim vazifasi ma’muriy faoliyatni hujjatlash, barcha hujjatlarni ishlab chiqish, ularni saqlash. Hujjatlarni rasmiylashtirish, ular ustida ishlash, foydalanish, yig‘ma jildlarni shakllantirish, hujjatlarni guruhlash haqida ma’lumot berish ham hujjatchilik vazifalari qatoriga kiradi.
Akademik yozuv fanini o'qitishdan maqsad:
- Hujjatning o‘zi nima, hujjatlar tarixini o‘rganish.
- Hujjatlarning o'rni va ahamiyatini talabalarga yetkazish.
- Hujjat matnining tuzilishi, hujjatlarning zaruriy (rekvizit) qismlari; hujjatlarni rasmiylashtirish.
- Hujjatlariga qo'yiladigan talablarni o'rganish.
- Hujjatlar tili va uslubi haqida nazariy ma’lumotga ega bo'lish.
- Hujjat turlari va ularning xususiyatlari va har bir tur ustida kengroq ma’lumot berish.
- Sohalarga oid hujjatlar mavjudligi, ularning o'ziga xos xususiyatlari bilan tanishish.
- Kundalik hayotda keng qo'llaniladigan hujjat namunalari ustida ish olib borish va amaliy jihatdan ko‘nikmalarini hosil qilish.
- Mustaqil ta‘lim mavzulari bo‘yicha nazariy bilimlarini mustahkamlash.
Fan mazmuniga qo’yiladigan malakaviy talablar