O’zbekiston respublika oliy va o’rta maxsus ta’lim vazirligi

IV  BOB. MODERNIZATSIYa  VA MILLIY  IQTISODIYoT 
Reja: 
§ 
1. Innovatsion  texnologiyalar  va ularni  iqtisodiyotni  rivojlantirishdagi  roli 
§ 
2. Modernizatsiyalash  – davr  talabi 
§ 
3. Lokalizatsiya 
§ 
4. Diversifikatsiyaning  iqtisodiyotdagi  o’rni 
 
4.1. Innovatsion  texnologiyalar  va ularni  iqtisodiyotni  rivojlantirishdagi  roli 
 
Hozirgi  vaqtda  innovatsiya  tushunchasi  keng  qo’llanilmoqda.  Innovatsiya  inglizcha  so’z 
bo’lib,  yangilik  kiritish  degan  ma’noni  bildiradi,  ya’ni  tizim  ichki  tuzilishini  o’zgartirish  deb 
ta’riflanadi.  Innovatsiya  amaliyot  va  nazariyaning  muhim  qismi  bo’lib,  ijtimoiy-madaniy  ob’ekt 
sifatlarini   yaxshilashga  yo’naltirilgan  ijtimoiy  sub’ektlarni  harakat  tizimidir. 
Innovatsiyalar  dolzarb,  muhim  ahamiyatga  ega  bo’lib,  bir  tizimda  shakllangan  yangicha 
yondashuvdir.  Ular  tashabbuslar  va yangiliklar  asosida  rivojlanib  istiqbolli  bo’ladi.   
Fan  va  texnikaning  muttasil  ravishda  va  o’zaro  bog’liq  holda  rivojlanishi  tufayli 
modernizatsiya  jarayoni  vujudga  keladi.  Ijtimoiy  talab  va  ehtiyojlarning  o’sishi  ta’sirida  fan  va 
texnika  jadallashadi.  Bu  o’z  navbatida  tabiiy  kuchlar  va  resurslarni  insonga  xizmat  qildirish, 
ishlab  chiqarishda  zarur  ma’lumotlarni  aniq  maqsadni  ko’zlab  qo’llash  imkonini  beradi.