O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

ijtimoiy-demokratik. Bu turning asosiy mezoni aholining ma’lum toifasiga mansubligini aniqlash, standart pul va natural mablag‘lari yoki ma’lum xarajatlarning taqdim etilish, yordamni tenglashtirishga intilish bilan tavsiflanadi. Ijtimoiy himoyaning bu turi maqsadi aholi daromadini qayta taqsimlash bo‘lib, u, asosan, Skandinaviya mamlakatlariga xos.

Ijtimoiy himoya va pensiya ta’minoti tizimlarining tasniflanishiga doir shunga o‘xshash yondashuvni iqtisodchi olim E.V. Tishinda ham ko‘rishimiz mumkin. U ijtimoiy himoya dasturlarini rivojlantirish nuqtayi nazaridan ishlab chiqqan:

• 
  neokonservativ tizim (AQSH, Angliya, Kanada);
  
• 
  ijtimoiy-demokratik tizim (Shvetsiya, Daniya, Shveysariya, Lyuksemburg);
  
• 
  ijtimoiy jamiyat nazariyasiga asoslangan tizim (Germaniya va Avstriya);
  
• 
  umumiy farovonlik davlat nazariyasiga asoslangan tizim (Fransiya, Belgiya va Yaponiya);
  
• 
  noaniq tizim (Italiya).
  

Beshinchi toifaning ajratilishi ijtimoiy himoyaning birgalikda milliy tizimni hosil qilgan turli shakl va usullari mavjudligiga qaramay, barcha tizimlarni to‘liq tasniflash mushkulligini ko‘rsatadi.

2. 
   Aholini ijtimoiy himoya qilish sohasida davlat boshqaruvi
   

Aholini ijtimoiy himoya qilish sohasida davlat boshqaruvi quyidagilar tomonidan amalga oshiriladi:

• 
  O‘zbekiston Respublikasi Vazirlar Mahkamasi;
  
• 
  O‘zbekiston Respublikasi Sog‘liqni saqlash vazirligi
  
• 
  O‘zbekiston Respublikasi Bandlik va mehnat munosabatlari vazirligi;
  
• 
  aholini ijtimoiy himoya qilish bo‘yicha dasturlar va choralarni amalga oshirayotgan vazirlik va idoralar;
  
• 
  Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklari tomonidan amalga oshiriladi.