O’quv-uslubiy majmua O’zbekiston Respublikasi Oliy va o’rta maxsus ta’lim vazirligining 2020 yil 14-avgustdagi № bd-5110100 02 bilan tasdiqlangan falsafa fanidan namunaviy dastur asosida ishlab chiqilgan

MANTIQIY KVADRAT – hukmlar o’rtasidagi munosabatni esda saqlab qolish uchun yaratilgan ko’rgazmali diagramma

NATIJA – asosdan zaruriy ravishda kelib chiqadigan fikr. SHartli hukm qismlaridan biri: shartli aytilgan qism asos, shart asosida vujudga keladigan qism natijadir. Bir necha hukmdan chiqarilgan hulosa ham natija deyiladi.

NEGO – lotincha «inkor qilaman» degan so’z bo’lib, birinchi unli harfi (E), muminkor hukmning, ikkinchi unli harfi esa (O) juz’iy inkor hukmining simvolik ifodasi.

NEOLOGIZM (grek. neos – yangi, logos so’z) – tilda yangi so’zlarning paydo bo’lishi. Bu so’zlar inson amaliy faoliyati, ilmiy bilimlarining rivojlanishi asosida paydo bo’ladi.

NOM – predmet, hodisa, jarayonlarning tildagi ifodasi. Nom yakka predmetlarni (Toshkent, Al- Xorazmiy), bir guruh predmetlarni (halq, o’rmon), hodisa va jarayonlarni (tinchlik, sezgi) aks ettirishi mumkin. Nom problemasi bilan mantiqda G. Frege batafsil shug’ullangan.

NOMINAL TA’RIF – (lot. definitio nominalis) – tushunchada ifodalangan so’zning ma’nosini aniqlash. Nominal chetdan kirgan so’zlarning ma’nosini aniqlash, ilmiy aylanmaga yangi terminlar kiritish uchun ham ishlatiladi.

NOMUHIM BELGI – predmetning mavjudligi uchun zarur bo’lmagan belgi.