Oila huquqi tushunchasi predmeti. Oila huquqi maqsadi, vazifasi. Oila huquqi tarihi

Nazorat uchun savollar:

1. Ota-ona va bolalarning mulkiy huquq va majburiyatlari. Ota-ona va bolalarning alohida mol-mulki. Ota-ona va bolalarning umumiy mol-mulki.

2. Bolalarning oiladagi xususiy mulki. Ota-ona va bolalarning mulkiy nizolarini hal qilish tartibi qanday?
3. Sobirov Toshkent shahar Hamza tumani fuqarolik ishlari bo‘yicha sudining hal qiluv qaroriga binoan 4 yoshli o‘g‘li uchun u 18 yoshga to‘lguniga qadar har oyda oylik ish haqining 1/4 qismi miqdorida aliment to‘laydigan bo‘ldi. Sobirovning xotini o‘g‘li Rustamning og‘ir betobligi va u kasalxonada olti oydan ortiq muddat bo‘lishi lozimligi, bolaning to‘liq ravishda ovqatlanishi, unga alohida parvarish lozim ekanligini asosli qilib ko‘rsatib, suddan farzandi uchun eridan qo‘shimcha ravishda aliment undirib berishni so‘raydi.
Sobirov farzandi uchun to‘layotgan aliment miqdori qaysi hollarda va qancha miqdorda undirib berilishi mumkin? Ota-onalar farzandlarining qo‘shimcha sarf-xarajatlarida qanday ishtirok etishlari kerak? Da’vogarning da’vosi qanoatlantiriladimi? O‘g‘lining qo‘shimcha sarf-xarajatlarida Sobirovning ishtiroki qanday va qancha miqdorda bo‘lishi kerak?
4. Javlonov Mamat voyaga yetguniga qadar bobo va buvisining tarbiyasida bo‘lgan. Vaqt o‘tgan sari bobo va buvisining sog‘ligi yomonlasha boradi. Shunda ular nabiralaridan moddiy yordam berishini so‘raganlarida, u moddiy yordam berishdan butunlay bosh tortadi.
Aytingchi, Javlonov Mamatning moddiy yordam berishdan bosh tortishi o‘rinlimi? Qaysi hollarda nevaralar bobo va buvilariga ta’minot berish majburiyatini oladilar?