Noyob va radioaktiv metall rudalarini boyitish va qayta ishlash

Og‘irlik kuchi ta’sirida changni tutish
CHang tutishning gravitatsion mexanizmi sekin harakatlanuvchi chang va gaz oqimidan tabiiy holda chang zarrachalarini cho‘kishiga asoslangan. Gravitatsion chang tutgichlarda havoli (gazli) muhiti turblent bo‘lib, mayin zarralarni tutish va cho‘ktirish uskunada uzoq vaqt ushlab turilsa ham sodir bo‘lmaydi. CHanglarni gravitatsion ajratish o‘lchami 500 mkm dan katta zarralar uchun, ya’ni birinchi bosqichda qo‘llaniladi.


Rasm 69. CHang tutish kamerasi
CHang tutish kameralari

CHang tutish kameralari og‘irlik kuchi ta’sirida changlarni cho‘ktirish prinsipiga asoslangan. Tozalashning maksimal samaradorligiga erishish uchun zarrachalarning kamerada bo‘lish vaqtini oshirish kerak. SHuning uchun aniq o‘lchamdagi zarrachalarga hisoblangan chang tutish kameralari ulkan uskunalardir. Ulkan tuzilishga ega bo‘lganligi uchun ular kam qo‘llaniladi. Xozirgi kunda chang tutish kameralari soddalashtirilgan konstruksiyalarda bo‘lib, barabanli quritgichlarning mahsulotni bo‘shatish qismida birinchi bosqich changsizlantirish uchun qo‘llanilmoqda.

Ba’zida kameraning pastki qismida panjara o‘rnatilgan bo‘lib, quritilgan mahsulotni tashishda metal jismlarni kenveyerga tushmasligini ta’minlaydi.

CHang tutish kameralarida chang havoni va gazlarning tozalash samaradorligi 40-60 % ni tashkil etadi, bunda gazlarning harakat tezligi 1-3 m/s bo‘ladi.

Rasm 70. Barabanli quritgichlarning mahsulotni bo‘shatish qismida o‘rnatiladigan kamera.
Og‘irlik kuchi ta’sirida changlarni tutish uskunalarga gravitatsion saralagichlar kiradi. Saralagichlar quvurli quritgichlarda birinchi bosqich changsizlantirishda o‘rnatiladi. Saralagichlarda gazlarning hraakat tezligi 3-4 m/s qabul qilinadi.

CHanglarni tutish inersiya kuchi orqali bo‘lishi ham mumkin. Oddiy inersion chang tutgichlarga chang xaltachalari, tizza – saralagichlar va jalyuzli saralagichlar kiradi.

MA’RUZA №28