Neft va gaz mahsulotlarini tashish va saqlash texnologiyasi

YONG‘IN XAVFSIZLIGI
YoQShda yong‘in xavfsizligi ГОСТ 12.1.004, O‘zbekiston Respublikasi
arxitektura va qurilish Davlat qo‘mitasi me’yoriy hujjatlari, «Neft baza va avtoyonilg‘i quyish shoxobchalarini ishlatishdagi xavfsizlik texnikasi va sanoat sanitariyasi qoidalari va YoQShni ishlatish jarayonida yong‘in xavfsizligini ta’minlash bo‘yicha yo‘riqnomalar » asosida tartibga solinadi. YoQShda yong‘in xavfsizligi yong‘inni
oldini olish tizimi va yong‘in himoyasini uyushtirish yo‘li bilan ta’minlanishi kerak. Yong‘inni oldini olish tizimi bu yong‘in ro‘y berishi ehtimolini yo‘q qilishga qaratilgan tashkiliy choralar va texnik vositalar majmuasining mavjudligidan iboratdir.
Yong‘in himoyasi tizimi – odamlarga yong‘inning xavfli omillari ta’sirining oldini olish va undan moddiy zarar ko‘rishni chegaralashga qaratilgan tashkiliy choralar va texnik vositalar majmuasidir. Yong‘inni oldini olish va yong‘in himoyasi tizimlari ГОСТ 12.1.004 ga muvofiq har bir YoQSh uchun ishlab chiqilishi kerak. YoQShlarining har birida yong‘in xavfsizligini ta’minlash uchun quyidagi talablar qo‘yilishi kerak yong‘in xavfini o‘ziga xosligi haqidagi ma’lumotlarni hisobga olgan yong‘in xavfsizligi qoida va me’yorlari; yong‘inni oldini olish va yong‘in himoyasini muayan usullari: yong‘inni oldini olish va yong‘in himoyasi texnik vositalari
miqdori, turi va ularning bajarilishiga doir talablar; yong‘inni oldini olish va yong‘in himoyasi bo‘yicha tashkiliy choralar.
YoQShlarda avtotransport vositalariga ko‘rsatilayotgan xizmatni o‘ziga xosligi va yong‘in xavfsizligini hisobga olib yo‘riqnomalar tuzish kerak. Yong‘in xavfsizligi bo‘yicha yo‘riqnomalarda quyidagilar bo‘lishi kerak.
– benzin, dizel yonilg‘isi yoki gaz mahsulotlarining hamda ishlab
chiqarish jarayonining yong‘in xavfsizligini baholash;
– ishchi-xodimlar rioya qiladigan yong‘in xavfsizligi talablari;
– ishlab chiqarishni o‘ta xavfli uchastkalari uchun maxsus talablar
va choralar;
– yong‘in chiqish va avariya holatlarida texnologik jihoz yoki
uskunani to‘xtatish va yong‘in soqchilarini chaqirish;
– yong‘in paydo bo‘lganda ishchi va xodimlarni vazifalari;
– o‘t o‘chirish vositalarini harakatga keltirish usullari;
– maydonni, jumladan binolar, inshootlar, yong‘inga qarshi rezervuarlar
va yong‘in gidrantlariga kelish yo‘llarining sarishta turishiga
oid talablar;
– chekish va ochiq olovni qo‘llash taqiqlanganligi to‘g‘risida talablar.
YoQShlarda portlashdan xavfli muhitni sodir etadigan moddalar mavjud ishlab chiqarish jarayonlari ГОСТ 12.1.010, ГОСТ 12.1.044 ga, ГОСТ 12.1.011 bo‘yicha portlashdan xavfli aralashmalar tasnifiga, portlash yong‘indan va yong‘in bo‘yicha xavfli ish lab chiqarish korxonalari tasnifiga muvofiq, portlash xavfsizligini
ta’minlash bo‘yicha talablarga ko‘ra bajarilishi kerak. Ishlab chiqarish jarayonlarida portlash xavfsizligini ta’minlash maqsadida portlashdan xavfli dastlabki moddalar parametrlarini, texnologik rejim, YoQShdagi havo tarkibini, texnologik va elektrik
jihozlar, uskunalar holatini tekshirib borish kerak. Ochiq olovni qo‘llash va boshqa xavfsizlikni taqiqlovchi joylarda yozuv va belgilar bo‘lishi kerak. AYoQSh ma’muriyati har qaysi toifadagi ishchilarning xizmat doirasidagi vazifalarini aniqlovchi, asosiy texnologik jarayonlarni, ta’mirlash va avariyali ishlarni olib borish tartibi va texnika xavfsizligi bo‘yicha yo‘riqnomalarni ishlab chiqishi kerak.