Neft va gaz konlarini o‘zlashtirishning seysmogeodinamik jarayonlarga ta’sirini monitoring qilish tizimini takomillashtirish to‘G‘risida

seysmogeodinamik jarayonlar — zilzilalar sodir bo‘lishiga olib kelishi mumkin bo‘lgan vaqt va makonda litosfera massalarining chuqurlikdagi va yer yuzasiga yaqin qismida harakatlarini keltirib chiqaradigan jarayonlar;
seysmik stansiya — zilzila, kuchli portlashlar yoki boshqa kuchli tebratuvchi manbalar natijasida hosil bo‘lgan seysmik to‘lqinlarning yer yuzasidagi tebranishlarini yozib olish (qayd etish) uchun mo‘ljallangan asbob-uskunalar to‘plami;
seysmik monitoring — seysmik jarayonlarni vaqt va makonda uzluksiz kuzatish;
seysmik rejim — muayyan hududda (mintaqa) zilzilalarning 5 o‘lchamli (kengligi, uzoqligi, chuqurligi, energiyasi, vaqti) muhit bo‘yicha o‘zgarishi;
texnogen seysmiklik — inson faoliyati ta’siri natijasida zilzilaning yuzaga kelishi yoki ortib borishi;
favqulodda vaziyat — odamlar qurbon bo‘lishiga, ularning sog‘lig‘i yoki atrof tabiiy muhitga zarar yetishiga, jiddiy moddiy talafotlar keltirib chiqarishga hamda odamlarning hayot faoliyati sharoiti izdan chiqishiga olib kelishi mumkin bo‘lgan yoki olib kelgan avariya, halokat, xavfli tabiiy hodisa, tabiiy yoki boshqa ofat natijasida muayyan hududda yuzaga kelgan holat.
5. Neft va gaz konlarida tabiiy va texnogen zilzilalarni monitoring qilish, uglevodorodlar qazib olinishining seysmik rejimga ta’sirini o‘rganish, yer yoriqlari bo‘ylab regional maydonlarda kuchlanishlarni baholash hamda texnogen omillarning tektonik kuchlanishlarga ta’sirini o‘rganish monitoring tizimining asosiy maqsadi hisoblanadi.
6. Quyidagilar monitoring tizimining asosiy vazifalari hisoblanadi:
neft va gaz konlarini o‘zlashtirishning seysmogeodinamik jarayonlarga ta’sirini monitoring qilish maqsadida muntazam seysmometrik, geofizik va kosmik geodeziya kompleks kuzatuvlarini tashkil etish va amalga oshirish;
uglevodorod xomashyosini qazib chiqarayotgan mahalliy va xorijiy kompaniyalarni neft va gaz konlarida seysmiklikning o‘zgarishi to‘g‘risidagi axborot bilan ta’minlash;
favqulodda vaziyatlarni keltirib chiqaruvchi kuchli texnogen zilzilalarning ehtimoli va ko‘lamini prognozlashtirish;
seysmik rejimning o‘zgarishi natijasida favqulodda vaziyat yuzaga kelishi va geologik muhitning seysmogeodinamik holati o‘zgarishlarining alohida xavfli vaziyatlari to‘g‘risida O‘zbekiston Respublikasi Favqulodda vaziyatlar vazirligi, tegishli mahalliy davlat hokimiyati organlari va boshqa manfaatdor tashkilotlarga xabar berish.