Nazarova Shohida Erkinovnaning quyosh uylarining

1. Magistrlik dissertatsiyasi mavzusining asoslanishi va uning dolzarbligi. Hozirgi paytda Quyosh energiyasidan foydalanishga katta e’tibor berilmoqda. Quyosh energiyasi an’anaviy ishlab chiqilayotgan energiyalarga qo’shimcha bo’lib, o’zgartirilayotganda ekologik tozadir. Butun jahon miqyosida dolzarb muammo bo’lib turgan elektr va issiqlik energiyasiga kundan kunga ehtiyoj oshib bormoqda. Bunga sabab a’nanaviy energiya qazilma boyliklarini (neft, ko’mir, gaz) kamayib borishi, ularni tannarxining qimmatlashishi, ekologiyaning buzilishi va shunga o’xshash turli omillarni keltirishimiz mumkin. Shuning uchun asosiy masalalardan biri - bu inshootlarni isitish amaliyotida qo’llaniladigan texnik va iqtisodiy xarakteristikalari bo’yicha tejamli bo’lgan Quyosh qurilmalarini yaratishdir. Bu esa mavjud qurilmalarni takomillashtirib borishni hamda har xil konstruktiv sxemalarning zamonaviy variantlarini tadqiqot qilishni talab qiladi.


2. Magistrlik dissertatsiyasi ob’yekti va predmeti. Tadqiqot ob’yekti sifatida Quyosh energiyasi yordamida uylarni isitish tizimlari va ularni modernizatsiya qilish usullari tanlangan:

• 
  Quyosh uylarining qisman nur yutuvchi qatlamli murakkab shaffof to’siqlari;
  

Quyosh uylarining issiqlik xususiyatlarini modellashtirish va issiqlik tarqalish mexanizmini tadqiq qilish jarayoni.
3. Magistrlik dissertatsiyasining maqsad va vazifalari. Quyosh uy isitgichlari tizimi samaradorligini oshirish maqsadida konstruktiv takomillashtirish, zamonaviy materiallarni qo’llash, issiqlik va matematik modellarini tuzish asosida hisoblashning komp’yuter dasturini yaratish tadqiqotning asosiy masalalari va farazlari hisoblanadi.
1. Quyosh uy isitgichlari tizimi samaradorligini oshirish maqsadida konstruktiv takomillashtirish;
2. Zamonaviy mahalliy materiallarni qo’llash asosida samarador Quyosh uylarini loyihalash;
3. Samarador Quyosh uylarini issiqlik – massa almashinuv jarayonini tadqiq qilish;
4. Samarador Quyosh uylarini matematik modellarini tuzish asosida hisoblashning komp’yuter dasturini yaratish tadqiqotning asosiy masalalari va farazlari hisoblanadi.