Nazariya javoblari

60.Плюралистик демократия назарияси.
ХХ асрда юзага келган бўлиб, унинг намояндалари сифатида Г.Ласки, М.Дюверже, Р.Дарендорф, Р.Даль ва бошқаларни кўрсатиб ўтиш мумкин. Ушбу назария ривожланган мамлакатлардаги давлат ҳокимияти учун кураш олиб бораётган ҳам социал-демократик, ҳам либерал қарашларга эга бўлган кучларнинг манфаатларини ўзида ифодалайди. Унинг мазмунини ҳозирги жамият моҳиятига кўра синфлар амалда йўқолиб кетган ва ҳокимият шу тариқа ўз синфий табиатидан халос бўлди деган ғоя ташкил қилади. Бунда жамият – ёши, касб-кори, истиқомат жойи, манфаатлар доираси ва бошқа белгиларига кўра юзага келадиган кишилар ижтимоий бирлашмалари (страталар) йиғиндисидан иборат
61.Hokimiyat tushunchasi va turlari.	Ҳокимият деганда умумий маънода муайян субъектнинг (индивид, жамоа, ташкилот) бошқа субъект (индивид, жамоа, ташкилот) иродасини ва юриш-туришини шахсий ёки бошқа шахсларнинг манфаатлари юзасидан бўйсундириши тушунилади. Муайян ҳодиса сифатида ҳокимият қуйидаги белгиларга эга: 1. Ҳокимият ижтимоий ҳодиса ҳисобланади. 2. Ҳокимият жамият ривожланишининг барча босқичларига хос бўлган ҳодисадир 3. Ҳокимият фақат ижтимоий муносабатлар доирасидагина амалда бўлади. 4. Ҳокимият муносабатлари икки томонлама кўринишга эга бўлиб, унинг муайян бир субъекти ҳокимият субъекти бўлса, иккинчи томони эса ҳокимиятга бўйсунувчи субъект ҳисобланади. 5. Ҳокимиятнинг энг муҳим белгиларидан бири, бу унинг муайян кучга эгалигидадир. Бундай куч турли хил шаклда бўлиши мумкин, яъни жисмоний куч, ҳарбий куч, авторитет кучи, ишонч, эстетик таъсир ва бошқалар. Ҳокимиятни турли хил мезонлар бўйича таснифлаш мумкин. Хусусан, ижтимоий даражаларига кўра у қуйидагича таснифланади: а) бутун жамият доирасидаги ҳокимият; б) у ёки бу жамоа доирасидаги ҳокимият; в) икки индивид муносабатлари ўртасидаги ҳокимият. Ҳокимият, шунингдек сиёсий ва носиёсий турларга бўлинади. Сиёсий ҳокимиятнинг шакллари сифатида давлат ҳокимияти, муайян сиёсий партиялар ҳокимияти, сиёси лидерлар ҳокимиятларини кўрсатиб ўтиш мумкин. Ҳокимиятни амалга ошириш усул ва воситаларидан келиб чиқиб, унинг демократик ёки нодемократик шакллари мавжуд.