Namangan davlat universiteti b. T. Ataxanov, M. B. Isabayev fuqarolik jamiyati fanidan

ATOM ENERGIYASI BO„YICHA YEVROPA AGENTLIGI 
(
AEYA
) — 
Iqtisodiy hamkorlik va rivojlanish tashkiloti (IHRT) a‘zolari bo‗lgan G‗arbiy Yevropa 
mamlakatlarining atom sanoati sohasidagi birlashmasi. U 1957-yil dekabrda tuzilgan. 
AEYAning o‗z ustavi, rahbar qo‗mitasi (Parijda joylashgan) va xalqaro kotibiyati bor. 
AEYA faoliyati atom korxonalarini birgalikda qurishga, o‗zaro ilmiy-texnika 
hamtsorligini rivojlantirishga, atom energiyasidan foydalanish masalalarida milliy qonun 
va tartiblarni kelishibolishga qaratilgan. U Atom energiyasi bo‗yicha Yevropa 
hamkorligi (AEEH) bilan yaqin aloqada.
ATOM ENERGIYASI BO„YICHA YEVROPA HAMKORLIGI
(
YEVRATOM
) 
— atom energiyasi sohasida birgalikda tadqiqot o‗tkazish va undan birgalikda 
foydalanish, atom energiyasi va atom sanoati zaxiralarini birlashtirish maqsadida tuzilgan 
tashkilot. Unga dastlab G‗arbiy Yevropadagi 6 mamlakat (Germaniya, Fransiya, Italiya, 
Niderlandiya, Belgiya va Lyuksemburg) kirgan. Yevratom 1957-yil 25 martda Rimda 
imzolangan shartnoma asosida vujudga kelgan. Rivojlangan Yevropa davlatlari tashkiloti 
bo‗lgan bu mustaqil birlashmaga 28 davlat kiradi. Yevropa davlatlaridan tashqari unga 
Yaponiya, Meksika, Kanada va AQSH a‘zo. Yillik budjeti 80 mln. frank yoki 16 mln. 
AQSH dollariga teng (1997). 
ATRIBUT
(lot. 
atributum
– muhim belgi, aniqlovchi) — 1) biron-bir predmet yoki 
hodisaning muhim va ajralmas xususiyati, tarkibiy qismi (mas., siyosatshunoslikda 
siyosatning A.i - hokimiyat). 
ATTASHE 
(fr. – aynan, birkitilgan) — 1) 1- diplomatik martaba. A. martabasi 
deyarli barcha davlatlar qonun hujjatlariga binoan tashqi ishlar vaziri buyrug‗i bilan 
diplomatik vakolatxonalar va idoralarning ikki-uch yillik ish tajribasi bo‗lgan 
xodimlariga beriladi; 2) harbiy, harbiy-dengiz, harbiy-havo A.lari – o‗z mamlakati 
tegishli qo‗shinlar turlarining A. xizmat qilib turgan boshqa bir davlat qurolli kuchlari 
hududidagi diplomatik vakolatxonasining lavozimdor shaxslari, ular diplomatik vakilga 
barcha harbiy masalalar bo‗yicha yordam ko‗rsatishadi. Mavqeiga ko‗ra, harbiy A.lar 
diplomatga tenglashtirilib, diplomatik korpus tarkibiga kiritiladi va diplomatik imtiyozlar 
va daxlsizlik huquqiga ega bo‗ladi; 3) savdo, moliya, q. x., fan va texnika, baliqchilik, 
shun. madaniyat hamda matbuot bo‗yicha A. – diplomatik vakolatxonaning mazkur 
sohalarga oid masalalar bilan shug‗ullanuvchi xodimlari, diplomatik imtiyozlar va 
daxlsizlik huquqiga, matbuot bo‗yicha A. esa diplomat martabasiga ega.