Н. Маҳмудов, А. Нурмонов Ўзбек тилининг

экан, биринчи навбатда, гапнинг грамматик категорияси сифатида предикативлик 
қаралиши керак. Предикативлик бир бутунлик сифатида бир неча узвлардан 
ташкил топади ва бу узвларнинг ҳар қайсиси, ўз навбатида, кичик категорияларни 
ҳосил қилади. Масалан: 
1. Гапнинг грамматик шахс категорияси. 
2. Гапнинг грамматик замон категорияси. 
3. Гапнинг грамматик тасдиқ-инкор категорияси. 
4. Гапнинг модал категорияси. 
www.ziyouz.com kutubxonasi

---

24 
Бундан ташқари, гапнинг ифода мақсади категорияси ва актуал 
(коммуникатив) категория ҳам гапнинг грамматик категориялари сирасига 
киради. 
ГАПНИНГ ГРАММАТИК ШАХС КАТЕГОРИЯСИ 
Гапнинг грамматик шахс категорияси ҳаракат ѐки белги эгасининг нутқ 
жараѐни иштирокчилари билан муносабатини ифодалайди. Бу категория 
феълларнинг морфологик шахс категорияси асосида вужудга келса ҳам лекин у 
билан тенг эмас. Синтактик шахс категорияск морфологик шахс категориясидан 
бирмунча кенгдир. Чунки синтактик шахс категорияси феъл иштирок этмаган 
гапларда ҳам ифодаланади. 
Синтактик шахс категорияси мазмун жиҳатидан олмошлардаги шахс 
категорияси билан ўхшашдир. Синтактик шахс категориясида ҳам I, II, III 
шахс, ноаниқ шахс, умумлашган шахс ҳамда шахссизлик ажратилади.
1
 Л о м т с в Т. П. Предложение и его грамматические категории. М., 1972, с: 
62 
В. Г. Теоретическая грамматика французского язьша., Синтаксис. Мг, 1981, с. 68. 
Синтактик шахс категориясини ифодалашда, феълнинг шахс, нисбат 
шакллари, олмошлар хизмат қилади. 
Шахс иштирокига кўра, гаплар шахс аниқ, шахси умумлашган, шахси ноаниқ, 
шахссиз, биргалик шахсни билдирувчи гапларга бўлинади. 
Кесими аниқлик майлидаги феълларда ва I, II, III шахс боғламаларини олган 
отлардан ифодаланган гаплар шахси аниқ гаплар саналади. Масалан: Гул кўргани