Менежмент. Маркетинг

Tayanch iboralar.

Bozor segmentatsiyasi, bozor segmentatsiyasining tamoyillari, bozor segmentatsiyasining xususiyatlari, bozor chukurchasi, bozor oynasi, makrosegmentlash, mikrosegmentlash, yakuniy segmentlash, avvaldan segmentlash, maqsadli segment.

9.1.Bozor segmentatsiyasining mohiyati va uning ahamiyati

9.1.1. Bozor segmentatsiyasi haqida tushuncha

Marketingni boshqaruv tizimida bozor segmentatsiyasi muhim ahamiyatga ega va bozorda talabni o‘rganish yeki marketologlar atamasi bilan aytganda “iste’molchini tahlil etish”- bozorlar holatini tahlil etishdagi birinchi bosqich hisoblanadi. U uch tarkibiy qismga bo‘linadi: bozor segmentatsiyasi; iste’molchi talabi sabablarini o‘rganish; qondirilmagan ehtiyojlarni aniqlash. Bozor segmentatsiyasi talabni qondirishga tabakalangan holda yendashuvga , tovarlarning turi ,sifati va mikdoriga ko‘ra har xil talab kuyadigan iste’molchilarni guruxlarga ajratishda turli mezonlar qo‘llashga asoslanadi, ya’ni bozor bir jinsli xodisa tarzida emas , balki ayrim-ayrim segmentlar majmui tarzida , har bir segment doirasida aloxida o‘ziga xos bir talab namoyen bo‘ladigan xodisa tarzida olib karaladi.

Bozorda haridorlarning ma’lum bir tovarga bo‘lgan talablari xilma-xildir, har bir haridorning o‘zining didi bor. Haridorning talabi, hohishi,ehtiyoji, turmush tarzi,tovar sotib olishdagi hulq-atvori haqidagi ma’lumotlar samarali marketing tadbirlari ishlab chiqish va amalga oshirish imkoniyatlarini vujudga keltiradi.YA’ni bozor segmentatsiyasi haridorlarning talabiga muvofik tovarni taklif etilishini va tovarga talabni kat’iyligini ta’minlaydi.

Demak, haridorlarning tovarlarni sotib olishdagi hulq-atvorlari, talabi va tovarlarga munosabatidagi xususiyatlariga qarab, guruxlarga ajratishni bozor segmentatsiyasi deyiladi.

2.