Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

Knyaz (rus.) – Qadimgi rus va boshqa slavyan mamlakatlarida davlat boshlig’ining unvoni. Keyinchalik oliy martabali zodagonlarning unvoniga aylangan.
Koning (nem.) – qabila boshlig’i, harbiy yo’lboshchi.
Marka (nem.) – O’rta asrlarda G’arbiy Yevropada dehqonlar jamoasi. Franklar davlatida chegara viloyati ham marka deb atalgan.
Markgraf (nem.) – o’rta asrlarda chegara viloyati hokimi.
Monastir (yun.) – Monaxlar jamoasi yashaydigan joy. Monastirlar o’z xo’jaligiga ega bo’lgan. Bu yerda cherkov, turar-joylar, kutubxona, maktab va xo’jalik binolari mavjud edi.
Monax (yun. “yolg’iz”) – bu dunyoning havaslaridan voz kechgan, butun hayotini dinga bag’ishlagan kishilar. Monaxlar oila qurmaganlar va monastirlarda yashab, jismoniy yoki aqliy mehnat, ibodat bilan mashg’ul bo’lganlar.
Nomisma (yun.) – Vizantiyaning oltin puli (tangasi).
Ritorika (yun.) – chiroyli so’zlash, notiqlik nazariyasi va san’ati
Roman uslubi (lot. Rim shahri nomidan) – Qadimgi Rimga xos bo’lgan me’monriy uslub. Roman uslubidagi inshoatlar o’zining salobatli va muhtasharligi, gumbazlari, qalin ustunlari, deraza va eshiklari arkali qilib qurilganligi bilan ajralib turgan.
Senyor (lot.“senior”- katta) – O’rta asr G’arbiy Yevropasida ixtiyorida qaram dehqonlar va mayda feodal-vassallari bo’lgan yer-mulk egasi.
Sinklit (yun.) – Vizantiyada oliy martabali amaldorlar yig’ini; senat.
Trivium (lot. “uchlik”) – o’rta asr maktablarida o’rgatilgan “yetti erkin san’at”ning dastlabki uchtasi: grammatika, dialektika, ritorika.
Tungin (nem.) – erkin franklarda yuzlik yig’ini boshlig’i.
Vasilevs (yun. “podshoh”) – Vizantiya imperatorlari unvoni.
Vassal (fr.) – o’rta asrlarida Ga’rbiy Yevropada yirik feodal-senyorlardan yer-mulk (feod, len) olganligi uchun unga xizmat qilgan kichikroq yer egasi.