Mavzu: Mehmonxona landshafti va dizayni

Kurs ishining obyekti va predmeti. Xalqaro baholash bo`yicha mehmonxona talablariga to`liq javob beruvchi va dunyoning ko`plab mamlakatlarida o`zining zanjirlariga ega bo`lgan Xorjiy mehmonxonalar. Landshaft tushunchasi, uning mehmonxonalar faoliyatida tutgan o`rni, mehmonxonalarda zamonaviy landshaft dizaynlaridan foydalanishning afzallik tomonlari.

Kurs ishining tarkibi.Mehmonxona korxonasi o’zining sig’imi, ya’ni nomerlar soni, yashash joyi bilan birbiridan farqlanadi. Uning tashkiliy tuzilmasi nimaga mo’ljallanganligiga, joylashgan joyiga, qabul qilingan mehmonlar turiga va boshqa omillarga bog’liq bo’ladi.Mehmonxona tashkiliy tuzilmasidan kelib chiqqan holda, undagi xodimlarning har biriga turlicha majburiyat va huquqlar berib, unga quyidagi xizmatlar: mehmonlarni qabul qilish va joylashtirish, nomer fondiga xizmat ko’rsatish, umumiy ovqatlanish, xavfsizlikni ta’minlash, muhandislik-texnikaviy, savdo, marketing va yordamchi, qo’shimcha xizmatlar ko’rsatish kiradi.

1. Dizayn va landshaft tushunchasi mazmuni va mohiyati.

«Landshaft» nemischa so‘z bo‘lib, «joy» degan ma’noni bildiradi. Hozirgi paytda landshaft tushunchasi geografiyada keng va tor ma’noda ishlatiladi.

Keng ma’noda landshaft deganda tabiiy hududiy kompleks tushuniladi. Masalan, tayga zonasi, botqoq, tundra, so‘l va h.k.
Tor ma’noda landshaft — yer yuzasidagi tabiiy chegaralari bilan ajralib turuvchi joydir. Landshaft hududiy yaxlitligi, vujudga kelishiga ko‘ra bir butunligi, geografik tuzilishi, relyefi, iqlimi, tuproqlari, o‘simlik va hayvonot dunyosining bir xilligi bilan ajra­lib turadigan tabiiy hududiy kompleksdir. Masalan, Qizilqumdagi qumli, gilli, taqirli, sho‘rxokli landshaftlar, tog‘lardagi yaylov, o‘rmon, vodiy landshaftlari shular jumlasidandir.
Odatda landshaftlar tabiiy va antropogen landshaftlarga ajratiladi. Tabiiy landshaft — faqat tabiiy omillar ta’sirida shakllangan yoki shakllanayotgan landshaftdir. Unga inson faolliyati ta’sir etmagan bo‘ladi. Masalan, Chotqol biosfera qo‘riqxonasidagi archazorlar shular jumlasiga kiradi.