Maktabgacha ta’limga qo‘yiladigan davlat talablari

XXV bob. Ijtimoiy-hissiy rivojlanish 

1-§. Ijtimoiy rivojlanish 

272. Quyidagilar 5 yoshdan 7 yoshgacha bo‘lgan bolalarda ijtimoiy rivojlanish talablari hisoblanadi: 

tanish va notanish odamlarni ajrata olish; 

boshqa bolalar va katta yoshdagilar bilan muloqot qilish ko‘nikmalarini rivojlantirish. 

273.  Quyidagilar  5  yoshdan  7  yoshgacha  bo‘lgan  bolalarda  ijtimoiy  rivojlanish  indikatorlari 

hisoblanadi: 

muloqot qilishda nutqli va nutqsiz vositalardan (ifodali imo-ishoralardan) foydalanish; 

o‘z atrofidagi tanish odamlar bilan osonlikcha muloqotga kirishish; 

muammolarga duch kelganda tanishlardan yordam so‘rash; 

notanish yoki ilk bor ko‘rayotgan odamlari to‘g‘risida savollar berish; 

kelishishni bilish; 

xushmuomalalikni namoyish etishning oddiy ko‘nikmalariga ega bo‘lish (salomlashish, xayrlashish, 

minnatdorchilik bildirishni bilish); 

boshqalar bilan barqaror aloqalar o‘rnatish, do‘stlar orttirish; 

bolalar  va  katta  yoshdagilar  bilan  ham  idrok  etayotgan  vaziyatni,  ham  uning  doirasidan  chiqib 

ketadigan holatni aks ettiradigan mavzularda muloqot yuritishga qodir bo‘lish; 

yordam berish, ovutish, o‘yinchoq, qalamlar bilan o‘rtoqlashish; 

katta yoshdagilar bilan suhbatlashganda savol berish va javob qaytarish; 

boshqa bolalar bilan o‘ynash va yordam berish; 

xonaga kirganda yoki uchrashib qolganda olqishlash. 

274. 5 yoshdan 7 yoshgacha bo‘lgan bolalar ta’limiga quyidagicha yondashish lozim: 

bolaning  muloqot  yuritishi,  rolli  va  teatrlashtirilgan  hamda  boshqa  turdagi  o‘yinlarda  faol  ishtirok 

etishini rag‘batlantirish; 

bolaning oila a’zolari va ularning vazifalarini bilishiga ko‘maklashish; 

bolaning zaruratga qarab yordam so‘rab murojaat etishini rag‘batlantirish; 

bolaning notanish odamlar to‘g‘risida savol berishini rag‘batlantirish va bolaning savollariga batafsil 

javob berish; 

bolaga atrofdagilarni hurmat qilish muhimligini tushuntirish; 

bolaning salomlashishda qo‘l siqishi va olqishlashini rag‘batlantirish; 

bolalarning savollariga javob berish; 

bolani diqqat bilan tinglash va uning so‘zlariga qiziqish bildirish. 

275.  5  yoshdan  7  yoshgacha  bo‘lgan  bolalarning  xavfsiz  yashashi  va  harakatlanishini  ta’minlash 

maqsadida quyidagilarga rioya qilish lozim: 

---

bolani hech qachon begona odamlar oldida yoki g‘azablangan paytda jazolamaslik; 

jazo aybli ish  qilingan zahotiyoq qo‘llanilishi lozim, biroq u aybli ishning darajasidan ortib ketishi 

kerak emas.