Мактаб раҳбарларининг молиявий ва ҳуқуқий саводхонлиги

13-§. ПЕДАГОГ-ТАШКИЛОТЧИ
ЛАВОЗИМИНИНГ МАЛАКА ТАВСИФЛАРИ

Тартиб рақами	5250
Касбларнинг миллий стандарт классификатори бўйича коди	2320
Ходимлар тоифаси	Мутахассис

Лавозим вазифалари:
а) ўқувчиларнинг синфдан ва мактабдан ташқари машғулотларини, олимпиадалар, кўрик-танловлар, мусобақалар ташкил қилиш;
б) тўгарак ва секциялар ишларини мувофиқлаштириш;
в) маданий-оммавий ишларни, ўйинларни, чиқишларни, танловлар ва бадиий ҳаваскорлик кўрикларига режиссёрлик қилиш ва уни ўтказиш, қўшиқ ва рақсларни ўргатиш;
г) таътил кунларида ўқувчиларнинг бўш вақти ва дам олишларини самарали ўтказишни ташкил қилиш, экскурсиялар, тарихий меъморий обидалар ва музейларга саёҳатлар уюштириш;
д) ўқувчиларда Ватанга, миллий анъаналар ва халқнинг урф-одатларига, буюк олимлар, санъат, маданият ва спорт усталарига ҳурмат, содиқлик ва фахрланиш туйғусида тарбиялаш;
е) мактаб тарбиявий ишлари режасига мувофиқ ўқитувчилар, жумладан синф раҳбарлари ва бошқа педагог ходимлар билан биргаликда ғоявий-тарбиявий ишларни, спорт-соғломлаштириш, оммавий ва маданий тадбирларни ўтказишда иштирок этиш;
ж) ўйинлар, аттракционлар ва бошқа оммавий-маданий, тарбиявий тадбирларни ўтказиш бўйича услубий материалларни ишлаб чиқиш;
з) ўз лавозим мажбуриятларини бажаришда “Камолот” ёшлар ижтимоий ҳаракати, маданият марказлари, кинотеатрлар, музейлар, истироҳат боғлари, спорт иншоотлари, секциялар, маҳаллалар, “Маҳалла”, “Соғлом авлод учун” жамғармалари, “Баркамол авлод” марказлари ва бошқа мактабдан ташқари муассасалар ходимлари билан ҳамкорлик қилиш;
и) таълим муассасаси фаолиятига қўйилган санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш;
й) ичимлик суви билан таъминлаш ва болалар учун қўйилган санитария-гигиена талабларига риоя қилиш.
Билиши лозим:
а) Ўзбекистон Республикасининг “Таълим тўғрисида”ги, “Кадрлар тайёрлаш миллий дастури тўғрисида”ги, “Бола ҳуқуқларининг кафолатлари тўғрисида”ги қонунларини;
б) таълим стандартлари талаблари ва мазмуни, ҳукуматнинг тегишли қарорлари;
в) Халқ таълими вазирлигининг тарбиялаш, синфдан ва мактабдан ташқари ишлар бўйича буйруқлари, меъёрий, методик ва йўриқнома ҳужжатларини;
г) тарбиявий ишлар концепциясини ва педагогика ҳамда психологияни;
д) мактабдан ташқари муассасалар, жамоат ташкилотлари билан ҳамкорликни ривожлантириш йўналишларини.
е) ўқувчиларни тўгараклардаги машғулотларга, спорт секцияларига, мусобақаларга қатнашишга, оммавий тадбирларга қизиқтиришни;
ж) Муассаса фаолиятига қўйилган санитария-гигиена талабларига, меҳнатни муҳофаза қилиш, техника ва ёнғин хавфсизлиги қоидаларига риоя қилишни.
Малака талаблари:
а) камида бакалавр даражасидаги олий маълумот;
б) амалий иш стажи талаб қилинмайди.