М у н д а р и ж а w o r d ойналар билан ишлаш 19 Киритиш курсори 19

Четные страницы – кўрсатилган диапазондан фақат жуфт саҳифалар.
Бутун ҳужжатнинг битта нусхасини босиб чиқариш учун тугмасини босиш етарли.

График объектларни киритиш

Microsoft Word ҳужжатга бошқа дастурларда, шунингдек ўзининг расм солиш панели ёрдамида яратилган график объектларни киритиш имкони беради. Объектлардан нусха кўчириш ва ҳужжатнинг исталган жойига қўйиш мумкин. Расмни ҳужжатга қўшишда у атрофдаги матнга бириктирилади. Агарда расмга эга бўлган абзац саҳифа бўйлаб юқорига ёки пастга ҳаракатланса, расм у билан бирга ҳаракатланади.
Рисование панелини Вставка менюсидаги Панели инструментов пункти орқали ёки тугмасини босиб чақириш мумкин. Бунда Разметка страниц режимига ўтиш талаб қилинади. Рисование панели тугмалари ёрдамида чизиқлар, стрелкалар, эллипслар, тўғри бурчаклар, доиралар, ёйлар, секторлар ва турли эгри чизиқларни тасвирлаш мумкин. График объектни ранг ёки нақш билан тўлдириш, шаклини ўзгартириш, ойнали акс эттириш ёки айлантириш, чизиқлар ранги ёки турини ўзгартириш, уларга стрелкалар қўшиш мумкин.
Бошқа дастурда яратилган график объектни киритиш учун курсорни объект жойлашиши керак бўлган жойга ўрнатиш ёки Вставка менюсида аввал Рисунок, сўнгра Из файла пунктини танлаш лозим. Пайдо бўлган ойнада (40-расм), Папка майдонида дискни танлаш, пастроқда жойлашган майдонда эса расмли файл жойлашган папкани танлаш керак. Агар расмга эга бўлган файл номини босилса, чап томонда рамкада унинг тасвири кўринади. OK тугмаси босилгандан сўнг танланган расм ҳужжатга киритилади. Microsoft Word дан олинадиган расмларни киритиш учун Рисунок пунктидан сўнг Картинки пунктини танлаш талаб этилади.



40-расм.
Расм катталикларини ўзгартириш учун унда сичқон билан босиш керак, шунда унинг атрофида катталик маркерлари пайдо бўлади. Бурчак маркерларини сичқон билан тортиб олиш йўли билан расм катталикларини пропорциясини сақлаб қолган ҳолда ўзгартириш мумкин. Бошқа маркерларни тортишда расмнинг эни ёки узунлиги ўзгаради. Расмни бошқа жойга кўчириш учун уни сичқон билан тортиш лозим. Расмни кўриш чегарасидан ташқарига кўчириб ўтказишда, экран шу йўналишда сурилади.
Агар сичқон билан расмга босилса, расм параметрларини ўзгартириш учун тугмалари бор Настройки изображения панели пайдо бўлади. Бу панелни шунингдек контекст менюси ёрдамида чақириш мумкин.
Расм параметрларини ўзгартириш учун Формат рисунка (Формат объекта) ойнасини чиқариш лозим. Бунинг учун Вид менюсидан тегишли пунктни танлаш ёки Настройка изображения панелидаги тугмасини босиш лозим. Масалан, матн расмдан чапда ёки ўнгда жойлашиши учун Положение вкладишини танлаш ва у ерда– четлаб ўтиш турини танлаш керак.
Расмни ўчириш учун уни белгилаб ажратиш ва Delete тугмасини босиш лозим.