Kirish xo`jalikning umumiy xarakteristikasi

10. UMUMIY VA MAXSUS DAVOLASH
Davolash- kasal hayvonlar davolanmaydi, chunki ularni davolash iqtisodiy ziyon keltiradi. Ular go‘shtga topshiriladi
11. UMUMIY VA MAXSUS PROFILAKTIKA
Yangi hayvon yoki parrandalarni faqat ushbu kasallik bo‘yicha sog‘lom xo‘jalik va fermalardan xarid qilish zarur. Tuberkulyoz bo‘yicha sog‘lom punktdan keltirilgan mollarni 30 kunlik profilaktik karantinda saqlash va bu davrda ushbu kasallikka allergik tekshirish talab etiladi. Kasallikning oldini olish uchun mo‘ynali hayvonlar (m: qorakuzan) 20-30 kunligida tuberkulyozga qarshi tibbiyotda ishlatiladigan BSJ vaksinasi bilan emlanadi. Ularda immunitet 6-8 oy davom etadi. Qoramol fermasi ichida podalar guruhini o‘zgartirish, almashtirish, biridan ikkinchisiga o‘tkazish qat’iyan man etiladi. Chetdan keltirilgan mollar faqat veterinariya guvohnomasi bilan profilaktik karantindan so‘ng fermaga kirgiziladi. Fermaning veterinariya-sanitariya holati talab darajasida bo‘lishi, mollarni asrash, boqish va molxonalar sharoiti zoogigiena talablari asosida amalga oshirilishi lozim. Xo‘jaliklardagi sog‘lom 2 oylikdan katta buzoqlar va sigirlar yiliga bir marta, agar zotli mol yetishtiradigan yoki bolalar bog‘chasini, kasalxona, sanatoriya va dam olish korxonalarini sut va sut mahsulotlari bilan ta’minlaydigan hamda ushbu kasallik bo‘yicha nosog‘lom chegaradosh fermalar mavjud bo‘lsa, yilda ikki marta reja asosida tuberkulyozga allergik usulda tekshiriladi. Ushbu xo‘jaliklar hududida joylashgan aholi punkti qoramollari yiliga bir marta allergik ko‘rikdan o‘tkaziladi. Otlar va qo‘yechkilar xo‘jalikning epizootologik holatini hisobga olgan holda 1 marta, hamma yoshdagi ona cho‘chqalar xo‘jalikda yiliga bir marta allergik tekshiriladi. Inkubatsiya xo‘jaliklari uchun tuxum beradigan zotli reproduktorlar yiliga bir marta tekshiriladi. Sanoat parrandachilik xo‘jaliklarida 10 foiz parrandalar allergen bilan tekshirib ko‘riladi. Jo‘jalar olti oylikdan boshlab allergik tekshiriladi. Ferma yopiq holatda bo‘lib, unga faqat unga aloqador kishilargina kirishi lozim. Ferma xodimlari har yili tibbiy muassasalarda ko‘rikdan o‘tib turishlari zarur. Tuberkulyoz bilan kasallangan kishilarni fermada ushbu kasalga moyil hayvonlar va parrandalar bilan ishlashiga yo‘l qo‘yilmaydi. Hayvonlar uchun ozuqa, shu jumladan omuxta yemni faqat sil bo‘yicha sog‘lom xo‘jalikdan olish mumkin. Fermaga kirishda dezobarer, binoga-dezogilam, vet.ob’ektni bo‘lishi, muntazam joriy dezinfeksiya, deratizatsiya, dezinseksiya tadbirlarini o‘tkazish, xodimlarni maxsus himoya vositalari bilan ta’minlash; bo‘g‘oz hayvonlardan bola olishda veterinariya-sanitariya qoidalariga qattiq rioya
qilish va yozda hayvonlarni, ayniqsa, yosh buzoqlarni va bo‘g‘oz sigirlarni yayrash maydonlarida saqlashni tashkil etish, ularni to‘yimli ozuqalar bilan boqish, hayvon organizmining rezistentligini oshiruvchi tadbirlarga ahamiyat berish, fermaga boshqa hayvonlarni, begona kishilarni kirgizmaslik tadbirlarini bajarish tuberkulyozni oldini olishga yordam beradi.