KartinaníŃ atí “Panika” (1926) (Fanera, Maslo / 48,7x37,5)

Kartina haqqindaǵi meniń kóz qarasim:
Men ózim N.I.Vitingtińeń birinshi oniń kartinalariniń biri bolǵan “Panika”(1926) miynetin sayladim. Keyin ala men internetten bul kartina haqqinda kóplegen maǵlimatlardi iye boldim. Bul kartina Sergey Eyzenshteynniń “Bronenosets Potemkin” filmi tiykarinda jaratilǵan eken. Usi filmniń úzindisin kórip,men hayran qaldi, bul ya xudojniktiń joqari qábiliyeti, ya kartina ap-aniq etip adamlariń ishki keshirmelerin, sezimlerin jetkerip bere alǵani.
Kartina (Fanera,Maslo), kólemi 48,7x37,5 sm. Jámi kartinada
8 adamniń júzi emotsialari sáwlendirilgen.
Kartinaǵa qarap otirip men kartinada qorqinish, xaos, qáweter súwretlengenin kórdim. Buni adamlardiń úlken bolip ashilip atirǵan awizlarinan, qorqinishqa tola kózlerinen kórdim. Kartinadaǵi adamlardiń túrleri bizge aniq kórinip turmaǵani menen kartinaniń mánisin túsiniwge boladi. Men kartinada háreketti kórdim, yaǵniy adamlar qanday da bir qorqinishli nárseden qaship kiyatirǵanday yamasa qanday da bir qorqinishli hádiseden qutilmaqshi bolip atirǵanday.
Kartinadaǵı adamlardiń kiyiniw stiline qarap ańsat ǵana, qiynalmastan qaysi dáwir adamlari ekenin bilip aliwimizǵa boladi. Bul XX ásir (meninshe). Buni men kartinadaǵi shlyapadan, kóylekten hám hayaldiń(kartinaniń shep, tómengi múyeshindegi oshkiyli dama) oshkinen bildim.
Sonday-aq, qolinda sayaban (zontik) uslap, qudaydan jádem sorap túrǵanday aspanlaǵa názer salip túrǵan hayal kórinisi. Alla taalaniń adamzat yadina tek ǵana qiynalǵan waqtinda yadina túsetinin esletip qoymaqshiday bolip túr.
Meniń diqqatimdi kartinaniń oń. tómengi múyeshindegi shlyapali er adam ózine qaratti. Ol júda qayǵili kórinedi. Bálkim buni bizlerge oniń kózleri aytip tur. Kózlerin nur tárk etken, isenimsizlike húkimranliq etpekte. Biykarǵa aytilmaǵan shiǵar “Kóz - kewildiń aynasi”.