К. Б. Уразов, Н. У худайбердиев, М. М. Ибрагимов, Д. К. Уразов

Назорат тизими хатари – бу аудиторнинг корхонада мавжуд ички назорат тизимининг мавжуд ҳолатига, унинг таъсирчанлигига берган баҳосидан келиб чиқадиган хатар.
Хатоларни топа олмасликдан вужудга келадиган хатар - аудитор томонидан ўтқазилган аудиторлик теширувида мавжуд хатоларни топа олмаганлигидан келиб чиқадиган хатар.
Аудиторлик хизматлари тўғрисида шартнома – бу аудиторлик ташкилоти ва хўжалик юритувчи субъектлар ўртасида аудиторлик текшируви ёки бошқа профессионал хизматларни кўрсатиш бўйича ўзаро муносабатларга статус берувчи юридик ҳужжат.
Аудит режаси – бу аудитор томонидан тузиладиган, аудиторлик ташкилоти раҳбари ва буюртмачи ташкилот раҳбари томонидан тасдиқланадиган хужжат.
Аудит дастури – бу ўз ичига бевосита аудитор томонидан кўрсатиладиган аудиторлик хизматлари турлари, уларга оид бажариладиган ишлар, амаллар, тузиладиган аудит иш ҳужжатларини оладиган ҳужжат.


Мавзу бўйича назорат саволлари

Аудитнинг ҳуқуқий асослари деганда нима тушунилади? Аудитнинг ташкилий асоси деганда нима тушунилади?

Мавзу бўйича тест савол-жавоблари


1.Қуйидагиларнинг қайси бири тўғри
а) аудит Қонун устиворлигига дахлдор эмас
б) аудит Қонун устиворлигига бўйсинади
в) аудит стандартлари меъёрий ҳужжат ҳисобланмайди
г) аудит стандартлари биринчи даражали меъёрий ҳужжатдир
2.Қуйидагиларни қайси бири аудиторлик ташкилотининг ҳуқуқига кирмайди?
а) дебиторлардан маълумотларни тасдиғини сўраш
б) буюртмачи ахборотларини прокуратурага етқазиш
в) моддий жавобгар шахслардан тушинтиришлар олиш
г) корхона фаолиятини таъсисчилар йиғилишидаги муҳокамасида қатнашиш