Jinoyat protsessual huquqi modulidan 1-variant

Mazkur holatga Jinoyat-protsessual qonunchiligiga asoslangan holda huquqiy baho bering.


Jinoyat protsessual huquqi modulidan
30-variant
1.Surishtiruvchi, tergovchi, prokuror o‘z vakolatlari doirasida jinoyat sodir etilganligi to‘g‘risida sabab va etarli asoslar mavjud bo‘lgan barcha hollarda jinoyat ishini qo‘zg‘atishi shart.
Jinoyat ishini qo‘zg‘atish tartibini bayon qiling.
2.O‘zbekiston Respublikasi JPKning 384-moddasida prokuror yoki o‘rinbosari tergovchidan ayblov xulosasi bilan kelgan jinoyat ishi yuzasidan o‘rganib chiqilishi lozim bo‘lgan 12 holat belgilangan.
Ayblov xulosasi bilan kelgan jinoyat ishi yuzasidan prokuror hal etishi lozim bo‘lgan masalalarni tahlil qilgan holda bayon qiling.
Kazus
Tumanda sodir etilgan bosqinchilik jinoyati bo‘yicha ish ancha murakkab va aniqlanishi lozim bo‘lgan holatlar ko‘pligini inobatga olinib, tuman IIB TBda tergov guruhi tashkil etildi. Mazkur jinoyatni sodir etishda ayblanayotganlardan biri, fuqaro Baratov dastlabki tergov jarayonida bergan ko‘rsatmasida uyidagi xovlida bosqinchilik natijasida qo‘lga kiritilgan qimmatbaho buyumlar ko‘mib qo‘yilganini ma’lum qilgan. Tergov guruhi tergovchisi Muslimov ayblanuvchi Baratovning bergan ko‘rsatmasiga binoan, qimmatbaho buyumlarni ashyoviy dalil sifatida olib qo‘yish maqsadida ayblanuvchi bilan birga uning xonadoniga keldi, xolislar sifatida ikkita qo‘shnini ham chaqirdi. Qimmatbaho buyumlar qazib olingach, tergovchi olib qo‘yish bayonnomasini rasmiylashtirib, unga holislarga imzo qo‘ydirdi.
Jinoyat ishi bo‘yicha to‘plangan hujjatlar bilan tanishib chiqqan tergov guruhi boshlig‘i Pulatov jinoyat protsessual tartib buzilganini aytib, Muslimovni tergov guruhidan chetlatdi.
Mazkur holatga Jinoyat-protsessual qonunchiligiga asoslangan holda huquqiy baho bering.


Jinoyat protsessual huquqi modulidan
31-variant
1.Ishlarni birlashtirish va ajratish surishtiruvchining, tergovchining, prokurorning qarori yoki sudning ajrimi bilan amalga oshiriladi.
Jinoyat ishlarni birlashtirish va ajratish asoslarini bayon qiling. (Jinoyat ishlarini birlashtirish va ajratish holatiga bittadan misol keltiring)
2.O‘zbekiston Respublikasi JPKning 50-bobiga asosan sud muhokamasining umumiy shartlaridan biri bu sud muhokamasida prokurorning ishtiroki hisoblanadi.
Sud muhokamasida prokurorning ishtirok etish tartibini tahlil qilgan holda bayon qiling.
Fuqaro Akmaljonga nisabatan O‘zbekiston Respublikasi JKning 150-moddasi bilan jinoyat ishi qo‘zg‘atilib, surishtiruv o‘tkazish uchun YUnusobod tuman prokurori B.Rustamov tomonidan O‘zbekiston Respublikasi Bosh prokuraturasi huzuridagi SVOJ va JDLQK Departamenti Toshkent shahar Yunusobod tuman bo‘limiga topshiradi. Jinoyat ishini o‘z yurituviga qabul qilib olgan surishtiruvchi O.Rasulov surishtiruv o‘tkazish jarayonida fuqaro Akmaljonni jinoyat sodir qilayotgan vaqtida ko‘rgan guvoh L.Elbekovni so‘roq qiladi. Shundan so‘ng guvohga gumon qilinuvchi Akmaljonni kechki soat 23:00da tanib olish uchun ko‘rsatadi.
Surishtiruvchi to‘plangan dalillar Akmaljonni ishda ayblanuvchi sifatida jalb qilishga etarli deb hisoblab, uni ishga ayblanuvchi tariqasida jalb qilish haqida qaror chiqardi va surishtiruvning o‘n kunlik muddati tugaganligi munosabati bilan ishni dastlabki tergovga yuborish uchun prokurorga taqdim etdi. Prokuror ishni o‘z qarori bilan dastlabki tergov o‘tkazish uchun tuman IIB TBga yubordi. Jinoyat ishi tergovchiga 8 kunda so‘ng etib keldi. Shunga qaramay prokuror tergov muddatini 8 kunlik muddatni qo‘shib hisoblaganda 3 oy qilib belgiladi.