Жавоб [окоз

Боилогияси. Тамакининг ўсиши даври шартли равишда икки босқичга бўлинади: 1) кўчат даври 35-60 кун давом этади. Кўчат даврида уруғнинг униб чиқиш, майсаланиш, томирланиш ва кўчат шаклланиш даврлари фарқланади. 2) дала ўсиш даври. Бу давр далага кўчатни ўтқазганда то кўсакчалар пишиб етилгунча бўлган даврни ўз ичига олади ва экиладиган навнинг хусусиятига қараб 60-150 кун давом этади, ўртача 100-120 кун бўлади.
Уруғнинг униши. Уруғ униб чиқиш учун 25-28⁰ талаб қилинади, ҳарорат 10-11⁰ гача пасайса, униб чиқиши тўхтайди. Уруғ таркибида намлик миқдори 65-70% га етганда, унишга тайёрланиш даври бошланади. Бу давр 25-28⁰ ҳароратда 1-1,5 кун давом этади. Ҳарорат 35⁰ дан юқори бўлса, унаётган уруғ униб чиқиш қобилиятини йўқотади. Иссиқхонада доимий равишда 25-28⁰ ни сақлаш қийин, шунинг учун термостатларда ундириб олиш мумкин.
Майсаланиш. Тамаки уруғи иссиқхонага сепилгач 4-6 кундан сўнг 1-чинбарг ҳосил бўлади ва биринчи тартиб ён илдизлар чиқа бошлайди. Бу даврда илдиз тизими хали яхши ривожланмаганлиги учун доимий намлик сақлаш талаб қилинади. Майсанинг томирланиши 1-чинбарг ҳосил бўлганидан сўнг ҳар 4-5 кун ўтгач навбатдаги барглар ҳосил бўла бошлайди. Бу даврда кўчат илдизи тез ўсади ва 15 см га этади ва майсалар ёруғликка, намликка ва озуқага талабчан бўлади.
Майса ҳосил бўлганидан сўнг кўчат шаклланиш даври бошланади. Кўчатларда ён томирлар ҳосил бўлганидан сўнг 5-6 чинбарг ҳосил бўлиш даври кўчат шаклланиш даври дейилади. Бу давр парник типига ва кўчатни ўтқазилганидан сўнгги ривожланиш даври шартли равишда қуйидаги даврларга ажратилади: парвариш қилиш шароитига қараб 20-25 кун давом этади, озиқни кўп талаб қилади.
Тамаки кўчатини далага кўчириб ўтказилгандан кейинги давр:

1. 
   Кўчатнинг томирланиши - кўчат далага ўтқазилгандан сўнг дастлабки даврда унинг ер усти қисми сезиларли ўсмайди, илдизи эса ўса бошлайди. Бу давр кўчатнинг томирланиш даври дейилади ва одатда 10-15 кун давом этади. Ёш ўсимликнинг илдизи жойлашган тупроқ қатламида намликнинг камайиши, кўчатларнинг томирланишига салбий таъсир қилади. Шунинг учун тупроқни нам холда сақлаш талаб қилинади.
   
2.