Исми шарифи Қаламтасвир фанини ўҚитишда талабаларнинг бадиий—образли тафаккурини ривожлантириш методикасини такомиллаштириш

Тадқиқотнинг объекти педагогика олий таълим муассасаларининг тасвирий санъат йўналишида “Қаламтасвир” фанини ўқитишда талабаларининг бадиий-образли тафаккурини ривожлантириш жараёни.
Тадқиқот предмети педагогика олий таълим муассасаларининг тасвирий санъат йўналишида “Қаламтасвир” фанини ўқитишда талабаларининг бадиий-образли тафаккурини ривожлантиришнинг мазмуни, шакли, метод ва воситалари.
Тадқиқотнинг усуллари. Тадқиқотда муаммога доир адабиётларни қиёсий-таҳлилий ўрганиш, меъёрий-ҳуқуқий ҳужжатларни ўрганиш, педагогик кузатув, анкета, суҳбат, педагогик эксперимент, натижаларни математик-статистик таҳлил этиш усулларидан фойдаланилди. Тадқиқотнинг методологик асослари: Ўзбекистон Республикаси Конституцияси, “Таълим тўғрисида”ги Қонуни, “Ўзбекистон Республикаси Президентининг таълим соҳасига оид қарор ва фармонлари, нутқ ва маърузалари, мавзуга оид педагогик, методик, психологик, фалсафий манбалар.
Тадқиқотнинг илмий янгилиги.
педагогика олий таълим муассасаларининг тасвирий санъат йўналишида “Қаламтасвир” фанини ўқитишда талабаларининг бадиий-образли тафаккурини ривожлантиришнинг услубий-дидактик таъминоти мазмуни тасвирий санъатни ўқитишнинг графикли ва ижодий барқарорлик каби педагогик шарт-шароитларни креатив прогнозли аниқлаштириш асосида такомиллаштирилган;
педагогика олий таълим муассасаларининг тасвирий санъат йўналишида “Қаламтасвир” фанини ўқитишда талабаларининг бадиий-образли тафаккурини ривожлантиришнинг дидактик модели табиат ва таълим интеграциясини таъминлашга йўналтирилган композицияни моделлаштиришнинг реал ва тасаввурли ифодалаш каби иш турларини дала амалиётига индивидуал услуб намойиши муҳитида киритиш асосида такомиллаштирилган.
“Қаламтасвир” фанини ўқитиш жараёнида бўлажак тасвирий санъат ўқитувчиларининг бадиий-образли тафаккурини ривожлантириш методикаси ранглар спекторини фарқлаш, бадиий ижодда мўлжал олишга ўргатувчи мобил иловаларни академик сайр, персонал галерея ўқув-мажмуавий жараёнида мотивацион йўналтириш муҳитида қўллаш асосида такомиллаштирилган;
талабаларда бадиий-образли тафаккурнинг ривожланганлик даражаларини аниқлаш ва баҳолаш мезонлари яратувчанлик, ижодкорлик, санъаткорлик каби сифатларни касбий тайёргарликнинг компетенциявий даражаларига рақамли контентда трансформациялаш асосида ишлаб чиқилган.