«ишлаб чиқариш инфратузилмаси» фанидан маърузалар матни

3. “Ишлаб чиқариш инфратузилмаси” фанининг мазмуни ва уни ўрганиш аҳамияти.
Миллий иқтисодиётнинг асосий ўзагини ташкил этувчи ишлаб чиқариш корхоналари самарадорлигини ошириш, ишлаб чиқарилаётган маҳсулотларнинг сифати, рақобатбардошлигини таъминлаш, корхона фойдасини максималлаштиришда муҳим ўрин тутувчи инфратузилмаларнинг иқтисодий мазмуни “Ишлаб чиқариш инфратузилмаси” курсининг таркибийқисмларини ташкил қилади.
Шунинг учун “Ишлаб чиқариш инфратузилмаси” фани умумкасбий фанлар блокининг асосий фанларидан бири ҳисобланади.


4. Бозор муносабатлари тизимида ишлаб чиқариш инфратузилмаси ва уни ташкил этишнинг аҳамияти.
Мaмлaкaтимиздa чуқур ўзгaришлaр, сиёсий вa ижтимoий-иқтисoдий ҳaётнинг бaрчa тoмoнлaрини изчил ислoҳ этиш вa либeрaллaштириш, жaмиятимизни дeмoкрaтик янгилaш вa мoдeрнизaциялаш жaрaёнлaри йилдан-йилга жaдaл суръaтлaр билaн ривoжлaниб бормоқда. Жумладан, Президентимиз И.А.Каримов таъкидлаганидек, “Бугун мамлакатимизни модернизация қилиш ва янгилаш, иқтисодиётимизнинг сифат жиҳатидан янги, замонавий таркибий тузилмасини шакллантириш, ҳудудларимизни комплекс ривожлантириш бўйича барча режаларимизнинг муваффақиятли амалга оширилиши инфратузилма тармоқларини юксак суръатлар билан ривожлантиришга узвий боғлиқ экани ҳақида гапиришнинг ҳожати йўқ, деб ўйлайман.”¹.
Мамлакатимизда ишлаб чиқаришни ривожлантиришни рағбатлантиришга қаратилган муҳим ишлар сирасига ишлаб чиқариш инфратузилмасини янада ривожлантириш бўйича амалга оширилаётган кўплаб амалий тадбирларни киритиш мумкин. Айни соҳани янада ривожлантириш масаласи сўнгги йилларнинг муҳим вазифалари сафига киритилмоқда.
Шу нуқтаи-нуқтаи назардан “Ишлаб чиқариш инфратузилмаси” курсини ўқитишда асосий мақсад қилиб, бугунги кун талаблари доирасида талабаларга ишлаб чиқариш инфратузилмасини миллий иқтисодиётни ривожлантиришдаги ўрни, ишлаб чиқариш ифратузилмасини ривожлантиришда давлатнинг роли ҳамда уни янада ривожлантиришнинг назарий-ҳуқуқий асосларини ўргатиш қўйилган. Бу курснинг ўқитилиши орқали талаба ишлаб чиқаришни янада ривожлантиришда инфратузилманинг зарурлиги тўғрисидаги билимлар билан танишади. Мазкур курс уларга ишлаб чиқариш инфратузилмасининг иқтисодий қонунлари, ҳодиса ва жараёнларининг моҳиятини чуқур ва ҳар томонлама тушунишда зарур бўлган услубий ёндашувларни ўзлаштиришда аҳамиятли ёрдам беради.