Ish vakti haqida tushuncha Ish vakti turlari va muddatlari Dam olish vakti va uning turlari

136-modda. Yillik qo‘shimcha ta’tillar
Qo‘shimcha ta’tillar:
Oldingi tahrirga qarang.
mehnat sharoiti noqulay va o‘ziga xos bo‘lgan ishlarda band bo‘lgan xodimlarga (137-modda);
(136-moddaning ikkinchi xatboshisi O‘zbekiston Respublikasining 1999 yil 20 avgustdagi 832-I-son Qonuni tahririda — Oliy Majlis Axborotnomasi, 1999 y., 9-son, 229-modda)
og‘ir va noqulay tabiiy-iqlim sharoitlarida ish bajarayotgan xodimlarga (138-modda);
mehnat to‘g‘risidagi qonunlar va boshqa normativ hujjatlarda, mehnat shartnomasining shartlarida nazarda tutilgan boshqa hollarda beriladi.
LexUZ sharhi
Xususan, qarang: mazkur Kodeksning 232-moddasi, O‘zbekiston Respublikasining «Qutqaruv xizmati va qutqaruvchi maqomi to‘g‘risida»gi Qonuni 24-moddasining ettinchi qismi, O‘zbekiston Respublikasining «Prokuratura to‘g‘risida»gi Qonuni 50-moddasining uchinchi qismi, O‘zbekiston Respublikasi Prezidentining 2002 yil 30 maydagi PF-3079-sonli «Yadro poligonlarida va boshqa yadroviy-radiatsiya ob’ektlarida harbiy xizmatni o‘tagan pensiya yoshidagi shaxslarni ijtimoiy qo‘llab-quvvatlash to‘g‘risida»gi Farmoni 2-bandining uchinchi xatboshisi, O‘zbekiston Respublikasi Vazirlar Mahkamasining 2001 yil 6 iyuldagi 291-sonli qarori bilan tasdiqlangan «O‘zbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni o‘tash to‘g‘risida»gi nizom.
Oldingi tahrirga qarang.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.29.00 Таътиллар / 05.02.29.03 Йиллик қўшимча таътиллар. Таътиллар бериш тартиби, вақти ва навбати]
137-modda. Mehnat sharoiti noqulay va o‘ziga xos bo‘lgan ishlar uchun beriladigan yillik qo‘shimcha ta’til
Mehnat jarayonida sog‘lig‘iga fizikaviy, kimyoviy, biologik va ishlab chiqarishning boshqa zararli omillari ta’sir etadigan xodimlarga noqulay mehnat sharoitida ishlaganliklari uchun yillik qo‘shimcha ta’til beriladi.
Oldingi tahrirga qarang.
Korxonalarda qo‘shimcha ta’til olish huquqini beruvchi ishlar, kasblar va lavozimlar ro‘yxati, ta’tillarning muddati, ularni berish tartibi va shartlari tarmoq kelishuvlari, jamoa shartnomasi bilan (agar ular tuzilmaydigan bo‘lsa, — kasaba uyushmasi qo‘mitasi yoki xodimlarning boshqa vakillik organi bilan kelishib ish beruvchi tomonidan) O‘zbekiston Respublikasi Bandlik va mehnat munosabatlari vazirligi va O‘zbekiston Respublikasi Sog‘liqni saqlash vazirligi tasdiqlaydigan mehnat sharoitlarini baholash uslubiyoti asosida belgilanadi.
(137-moddaning ikkinchi qismi O‘zbekiston Respublikasining 2018 yil 3 yanvardagi O‘RQ-456-sonli Qonuni tahririda — Qonun hujjatlari ma’lumotlari milliy bazasi, 05.01.2018 y., 03/18/456/0512-son)
LexUZ sharhi
Qarang: «Mehnat sharoitlarini baholash va mehnat sharoitlariga ko‘ra ish joylarini attestatsiyalash metodikasi» (ro‘yxat № 247, 28.05.1996 y.).
Mehnat sharoiti o‘ziga xos bo‘lgan ishlar uchun, shuningdek o‘ta zararli va o‘ta og‘ir mehnat sharoiti uchun qo‘shimcha ta’tilning eng kam muddati, bunday ta’tilni berish shartlari va tartibi O‘zbekiston Respublikasi Hukumati tomonidan belgilanadi.
LexUZ sharhi
Mehnat sharoiti o‘ziga xos bo‘lgan ishlar uchun, shuningdek o‘ta zararli va o‘ta og‘ir mehnat sharoiti uchun qo‘shimcha ta’tilning eng kam muddati O‘zbekiston Respublikasi Vazirlar Mahkamasining 1997 yil 11 martdagi 133-sonli «O‘zbekiston Respublikasining Mehnat kodeksini amalga oshirish uchun zarur bo‘lgan normativ hujjatlarni tasdiqlash to‘g‘risida»gi qarorining 2-bandida belgilangan.
(137-moddaning ikkinchi qismi O‘zbekiston Respublikasining 2001 yil 12 maydagi 220-II-son Qonuni tahririda — Oliy Majlis Axborotnomasi, 2001 y., 5-son, 89-modda)
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.29.00 Таътиллар / 05.02.29.03 Йиллик қўшимча таътиллар. Таътиллар бериш тартиби, вақти ва навбати]