Iqtisodiy-ijtimoiy geografiya fanidan atamalar to’plami: Obyektivlik

Iqtisodiy-ijtimoiy geografiya fanidan atamalar to’plami:


Obyektivlik- doimo ilmiy bilim ideali va uning asosiy mezoni sifatida amal qilgan: birinchidan, bilimning o’z ob’ekti bilan mos kelishini qayd etuvchi taomil: ikkinchidan, sub’ekt va uning bilish faoliyati vositalari bilan bog’liq barcha narsalarni bilimdan chiqarib tashlash taomili
Inson geografiyasi - (Frantsiya inson geografiyasi maktabi) Frantsiyada XIX asr oxiri XX asrning birinchi yarmida vujudga kelgan geografiya fani bo’yicha ilmiy maktab «geographic humaine» sifatida tanilgan va tan olingan. Maktabning shakllanishi va rivojlanishi frantsuz geografi Videldo de Blash va uning ko’plab shogirdlari faoliyati bilan bog’liq: jumladan J. Bryun, A. Demanjon, R. Blanshar, L. Gallua, E. Martonn, A. Boli va boshqalar. Ilmiy maktab ichidagi geografiya pozitivtik nuqtai nazardan fanga emas, balki san’atga ham tegishli. Tabiat va inson o’rtasidagi uyg’unlikni o’rganish va rayon tahlili pirovard natijada asosiy maqsad sifatida qaraladi. Hududning tashqi landshaft xususiyatlariga katta e’tibor qaratiladi.
Iqtisodiy inqiroz (retsessiya)- iqtisodiyotni shunday holatiki, mamlakat YaIMning absalyut hajmi kamida ikki kvartal mobaynida ketma- ket qisqaradi.
Sanoat geografiyasi- Ijtimoiy-iqtisodiy geografiyaning mustaqil tarmog’i bo’lib, industrial ishlab chiqarishni hududiy tashkil etish: sanoatning va sanoat korxonalarining dunyoda, mamlakatlar va mintaqalarda, iqtisodiyotning boshqa sohalari, fan, jamiyat va tabiat aloqalari, sanoatning joylashuv omillari, shart-sharoitlari va o’zaro ta’sirini o’rganadi.
Muammo- eng avvalo imkoniyat va voqelik, talab (ehtiyoj) bilan taklif orasidagi nomuvofiqliklardan kelib chiqadi. Shuningdek, u o’rganilayotgan yoki ko’rilayotgan sohadagi tushunmovchiliklar, noaniqliklar bilan ham bog’liq. Chunonchi, geografiyaning, shu jumladan iqtisodiy va sotsial geografiyaning asosiy muammosi- bu, eng avvalo, uning nomi, atalishi va ta’rifidir

•