―ilm-fan va ta‘limda innovatsion yondashuvlar, muammolar, taklif va yechimlar‖ mavzusidagi

4-SONLI RESPUBLIKA ILMIY-ONLAYN KONFERENSIYASI
 
 
30 - SENTABR 2020 - YIL 
―UzACADEMIA‖ scientific-methodical journal
 
 
 
 
 
 
63 
www.academiascience.uz
GEOGRAFIYA FANINI O‘QITISHDA AXBOROT 
TEXNOLOGIYALARNING AHAMIYATI 
Masharipova Dinora Ergashboyevna 
Xorazm viloyati Qo‘shko‘pir tumani 
1-maktab geografiya o‘qituvchisi 
 
Annotatsiya: Ushbu maqolada geografiya fanining asosiy muammolari va uning 
yechimlari keltirilgan. Shuningdek, geografiya darslarida samaradorlikni oshirish 
yuzasidan takliflar berilgan. Zero tanqidsiz rivojlanish bo‘lmaydi. 
Kalit so‟zlar: ―Pinnacle studio‖, mavzuli xaritalar, axborot-telekommunikatsiya 
texnologiyalari, mavzuli fotojamlanmalar, mavzuli videoroliklar, mp3 formatdagi 
audio kitoblar, amaliy topshiriqlar.
Hozirgi kunda zamonaviy ta‘lim tizimida geografiya fanining o‘rni beqiyosdir. 
Geografiya Yer yuzasining tabiati, aholisi va xo‘jalik faoliyatini o‘rganuvchi qadimiy 
fan hisoblanadi. Geografiya tabiiy fanlar qatorida bo‘lib, ular bilan uzviy bog‘langan. 
Geografiya darslarida an‘anaviy usullar, ya‘ni og‘zaki, yozma, ma‘ruza va 
tushuntirish metodlaridan foydalanish orqali ko‘p samaraga erishib bo‘lmaydi. Har 
bir darsda yangilik bo‘lishini, o‘qituvchi darsda o‘quvchini lol qoldirishini 
unutmaslik kerak. Bu o‘qituvchini o‘z ustida ishlashidan dalolat beradi. Hadisi 
sharifda aytilgandek, ―Beshikdan qabrgacha ilm izla‖, zero shundagina yuqori 
samaradorlikka erishish, o‘quvchilar qiziqishini yanada orttirishga erishish mumkin. 
Zamon 
o‘qituvchisidan 
axborot-telekommunikatsiya 
texnologiyalaridan 
foydalana olishni talab etadi. Kompyuter savodxonligiga ega bo‘lgan geografiya 
o‘qituvchisi o‘z darsini tashkillashtirishda yuzaga keladigan bir qator muammolarni 
hal qila oladi. Geografiya darslarida eng ko‘p uchraydigan muammolardan biri – bu 
ko‘pgina mavzularga mos xaritalarning yetishmovchiligi. Geografiya xarita bilan 
boshlanib, xarita bilan tugaydi. Xarita hududlar oynasi hisoblangani uchun geografiya 
darsini xaritasiz tasavvur qilish qiyin. Internet tarmog‘idan foydalangan holda izlash 
tizimi orqali mavzuga mos, kerakli xaritani izlab topish va ushbu xaritalarni 
videoproyektor orqali katta ekranda namoyish etish bilan yuqorida ko‘rsatilgan 
muammoni hal qilish mumkin. 
Bundan tashqari, internet orqali olingan geografiyaga doir videoroliklarning 
barcha qismlari mavzuga mos kelmasligi mumkin. Bu muammoni ―Pinnacle studio‖ 
videorolik tayyorlovchi dastur yordamida istalgan mavzuga doir videorolik 
tayyorlash bilan yechish mumkin. 

---