―ilm-fan va ta‘limda innovatsion yondashuvlar, muammolar, taklif va yechimlar‖ mavzusidagi

 
253 
www.academiascience.uz
OILADA USTOZ-SHOGIRD AN`ANASI 
 
Sanoyeva Nasiba 
Navoiy shahar 6-maktab o‘qituvchisi 
Bu yorug` olamda har bir odam o`zining mehribon ota-onasiga, ustoz va 
muallimlarga nisbatan hamisha minnatdorlik tuyg`usi bilan yashaydi. Inson o`z umri 
davomida qanday yutuq va natijalarga erishmasin, qayerda, qanday lavozimda 
ishlamasin, dastlab oilada, so‘ng maktab dargohida olgan ta`lim-tarbiyasi uning yetuk 
shaxs va malakali mutaxassis bo`lib shakllanishida ulkan ahamiyatga ega ekani 
shubhasiz. Ko‘rinadiki, inson dastlabki saboqlarini oiladan, ota-oansidan oladi, ustoz 
– shogird an`analari murg‘ak vujudda ana shu tarzda shakllanadi. 
Biz bugun farzandlarimizning xohish – istaklarini to`la – to`kis ado etyapmiz, 
ularning ―darsxona‖sini so`nggi rusumdagi texnika bilan jihozlayapmiz, ammo 
ma`naviy yetuklikning muhim belgisi bo`lgan ta`lim va tarbiya jarayoniga nechog`lik 
ahamiyat beryapmiz? Aslida bola uchun ilk tarbiya maskani oila emasmi? 
Yoshlarning to`g`ri yo`ldan adashishiga ham nosog`lom oila muhiti, yoki haddan 
tashqari to`kinchilik sabab bo`lmayaptimi? 
Aytishlaricha, ko`chada yurgan bir bolakay yeb turgan nonini yoniga kelgan itga 
berdi. Buni ko`rgan onasi: 
- Nega noningni itga berding? Men o`zim yemay senga bersam, sen itlarga 
berasan. Sen bola odam bo`lmading, boshimga balo bo`lding, - deb koyidi. 
Ittifoqo, shu atrofda buvasi bilan aylanib yurgan kichkina bola bunu ko`rib 
buvasidan so`radi: 
- Buva, odam bo`lish uchun nima qilish kerak? 
- Tug`ilish kerak. 
- It ham tug`iladi, u odammi? 
- Yo`q, tushunmading, odam bo`lib tug`ilish kerak. 
- Odam bo`lib tug`ilib, keyin odam bo`lmay qolish mumkinmi? 
- Mumkin, - dedi buvasi o`ylanib turib. 
- Anavi bola odam emasmi? 
- Hozircha odam, lekin onasi uning odam bo`lishini xohlamayapti. 
Darhaqiqat, 
bugun 
turmush 
tashvishlari 
bilan 
og`rigan 
boshimizga 
farzandimizning kichkinagina muammosi og`irlik qiladi go`yo. Topib keltirgan 
luqmamizni ham ba`zan ularga ta`na qilib beramiz. Lekin ota – onaning vazifasi faqat 
ularning qornini to`ydirishdan iborat emas-ku. Bugun biz murg`ak ko`ngillarga mehr 
ulashib, ularni pok tuyg`ular bilan tarbiyasakgina, ertaga o`zimiz muhabbat 

---