Ijtimoiiy fanlar

SOHIBQIRON-1.Quyosh  tizimidagi  katta  sayyoralardan  ikkitasini  bir-birini  to’sish  paytida 
tug`ilgan  odam.  Rivoyatlarga  qaraganda,  Amir  Temur  ikki  sharofatli  yulduzlar  Zuhra  va 
Mushtariy sayyoralari bir-birlariga yaqinlashgan paytda tug`ilgan ekan. Munajjimlarning fikriga 
ko’ra,  bunday  odam  baxtli,  ulug`  martabali  bo’lishi  muqarrar  sanalgan.  Amir  Temurning 
Sohibqiron  deb  atalishi  ham  shundan.  Sohibqiron  so’zining  asl  ma’nosi  «baxtiyor  podshoh», 
«qudratli podshoh» demakdir;  
2.Sharq  mamlakatlarida  obro’li,  g`olib  podsholarga  berilgan  unvon.  O’rta  Osiyoda  dastlab 
Amir Temurga shunday unvon berilgan.  
Ma’lumki,  Amir  Temur  o’zining  harbiy  muvaffaqiyatlariga  o’zining  kuchli  qo’shini  bilan 
erishgan.  U  qo’shinni  o’ntalik  askariy  birikmalardan  iborat  lashkarlardan  tuzgan.  Lashkar  o’ng 
minglik  bo’lsa-tuman,  minglik  esa-hazora,  yuzlik-xushun,  o’nlik  esa-xayl  deb  nomlangan. 
Ularga boshchilik qilgan lashkarboshilar esa tuman og`asi, mirikazora, qo’shinboshi, aylboshi 
deb yuritilgan. 
AMIR-Mo’g`ullar istilosidan so’ng Oltin O’rda, keyin O’rta Osiyo va Eronda mo’g`ul va turk 
qabilalari  birlashmasi-ulus  boshlig`ining  unvoni  ham  amir  deb  atalgan.  Sohibqiron  Temurning 
unvoni  ham  amir  bo’lib,  tarixda  Amir  Temur  deb  yuritilgan.  XVIII  asr  oxiridan  boshlab, 
Buxoroda mang`it sulolasiga mansub bo’lgan hukmdorlar ham o’zlarini amirlar deb yuritishgan. 
AMIRLIK-musulmon  mamlakatlarida  amir  tomonidan  boshqariladigan  mamlakat.  XVIII 
asrning o’rtalaridan boshlab Buxoro xonligi Buxoro amirligi deb yuritilgan. 
XON-turkiy xalqlar va mo’g`ul hukmdorlarining unvoni. Dastlab qabila boshlig`i, keyinchalik 
oliy  hukmdorni  anglatgan.  Saljuqiylar  va  xorazmshohlar  davrida  viloyat  yoki  shahar  hokimi, 
mo’g`ul feodal imperiyasida ulus boshlig`i davlatlarda oliy hukmdor xon, podshohlik qilmagan. 
Chingiziylarda  esa  sulton  deb  yuritilgan.  Qo’qon,  Buxoro  (1753  yilgacha)  va  Xiva  xonligida 
hukmdorlar o’zlarini xon deb ataganlar.