O’zbekiston respublikasi oliy va o’rta maxsus ta`lim vazirligi buxoro davlat universiteti

Ishining maqsadi: mikroorganizmlarni ko’payishi, oziqlanishi, nafas olish fiziologiyasi va ularni o’rganish uslublari bilan chuqurroq tanishgan holda yurtimizda biotexnologiya va genetik injeneriya sohalarini yutuqlarini oshirishdan iborat.

Yuqoridagi maqsadga asosan bitiruv malakaviy ishining vazifalari quyidagilardan iborat:

Miroorganizmlarning ko’payishining o’ziga xos xususiyatlarini o’rganish; sporaning hosil bo’lish tartibini, ularni turlari, o’ziga xosligini o’rganish; qo’shjinsiy sikl, gaploidizatsiya va diplodizatsiya jarayonlarini o’rganish; ularni ko’payish xususiyatlaridan foydalanib biotexnologiya va genetik injeneriyada qo’llash;

Miroorganizmlarning oziqlanishining o’ziga xosliklarini o’rgangan holda ulardan to’g’ri foydalanish uslublarini ishlab chiqish; oziqlanishga ko’ra tiplarini o’rganib, ularga mos keluvchi muhitlarni yaratish; fotosintez va xemosintez jarayonlari haqida ma’lumot berish;

Mikroorganizmlarning nafas olish fiziologiyasining xususiyatlarini o’rganib, ularni ko’paytirishda turli xil nafas olish muhitlarini to’gri tanlab, ularni unumli ko’paytirish; Krebs sikli haqida ma’lumot berish; bijg’ish va nafas olish jarayonlarining bir-biridan farqini o’rganish;

Mikroorganizmlarni turli ozuqa muhitlarida ko’paytirishni o’rganish, ozuqa muhitining ko’rsatgichlarini mikroorganizmlar kulturasiga ta’sirini yaxshilab bilib olgan holda ulardan to’g’ri foydalanish; Har bir mikroorganizmlarni o’zi talab qiladigan ozuqa muhitini aniq tanlay olishni o’rganish;

Miroorganizmlarni ko’payishida temperaturaning ta’sirini o’rgangan holda ularni o’stirishda kerakli optimal haroratni aniqlash; ulardagi oqsillar va fermentlarga haroratning ta’sirini o’rganish;

Muhit reaksiyasining mikroorganizmlarga ta’sirini o’rganish; mikroorganizmlarni qanday pH da yashay olishini aniqlab, shunday pHni namo-yon qila oladigan ozuqa muhitlarini tayyorlash;

Mikroorganizmlarning odam hayotidagi va xo’jalikdagi rolini o’rganib, ulardan unumli fodalanish yo’llarini tuzish; mikroorganizmlardan foydalanishning arzon texnologiyalarini tuzish; ulardan foydalaniladigan sohalarni takomillashtirishdan iborat.