Конспекти 1-мавзу : «Сафлар ва уларни бошқариш. Командир ва ҳарбий хизматчилар -нинг сафдаги мажбуриятлари»

4. Фронт – сафнинг ҳарбий хизматчилар юзланиб турган (машиналар олд томони билан қаратилган) томони.
5. Саф орти – сафнинг фронтга қарама-қарши томони.
6. Интервал – ҳарбий хизматчилар (машиналар), бўлинма ва ҳарбий қисмлар ўртасидаги фронт бўйлаб масофа.
7. Дистанция – ҳарбий хизматчилар (машиналар), бўлинма ва ҳарбий қисмлар ўртасидаги саф узунлиги бўйича масофа.
8. Саф эни – қанотлар ўртасидаги масофа.
9. Саф узунлиги – биринчи шеренга билан охирги шеренга (олдинда турган ҳарбий хизматчи билан ортда турган ҳарбий хизматчи) ўртасидаги масофа. Ҳаракат машиналар воситасида бажарилаётган бўлса, биринчи машиналар чизиғи билан охирги машиналар чизиғи (олдинда турган машина билан охирида турган машина) ўртасидаги масофа.
10. Икки шеренгали саф – биринчи ва иккинчи шеренга, деб номланадиган, иккинчи шеренгадаги ҳарбий хизматчилар биринчи шеренгадаги ҳарбий хизматчилар ортида, бир қадамга тенг дистанция қолдирган ҳолда (олдинда турган ҳарбий хизматчининг елкасига кафти қўйилиб узатилган қўл масофасида) турган саф. Саф бурилганида шеренга номи ўзгармайди.
Қатор – икки шеренгали сафда кетма-кет турган икки нафар ҳарбий хизматчи. Агар биринчи шеренгада турган ҳарбий хизматчи ортида ҳарбий хизматчи бўлмаса, бундай қатор тўлмаган қатор, деб номланади.
Икки шеренгали саф ортга бурилса, тўлмаган қатордаги ҳарбий хизматчи олдинги шеренгага ўтади.
11. Бир ёки икки шеренгали сафнинг ораси жипс ёхуд очиқ бўлиши мумкин.
Ораси жипс саф шеренгасида турган ҳарбий хизматчилар фронт бўйича ёнма-ён, тирсаклар орасида бир кафт энига тенг интервал қолдириб жойлашади.
Ораси очиқ саф шеренгасида турган ҳарбий хизматчилар фронт бўйича бир-биридан бир қадамга ёки командир томонидан тайинланган масофага тенг интервал қолдирган ҳолда жойлашади.
12. Колонна – ҳарбий хизматчилар ва бўлинмалар (машиналар) бир-бирининг ортида, мазкур Низомда белгиланган ёки командир томонидан тайинланган дистанция қолдирган ҳолда жойлашган саф.
Бир, икки, уч, тўрт колоннали ва ундан ортиқ колоннали саф бўлиши мумкин.
Бўлинма ва ҳарбий қисмлар юриш сафида ҳаракатланиши ёки ёнма-ён тизилиши учун колонна қўлланилади.