8-мavzu: Hazm fiziologiyasi. Og’iz boshlig’i, me’da hazimlanish. Reja

S Hartli so‘lak ajratish reflekslari. Og‘iz bo‘shlig‘ining retseptorlari ta’sirlanganda vujudga keluvchi shartsiz so‘lak ajratish reflekslari bilan bir qatorda ko‘rish, eshitish, hid bilish va boshqa ta’sirotlarga javoban ro‘y beruvchi shartli so‘lak ajratish reflekslari ham bor. Bu ta’sirotlar avvaliga ovqat eyish bilan bir vaqtga to‘g‘ri kelgandagina shartli refleks vujudga keladi. SHuning uchun hayvon qachonlardir bir vaqt egan ovqatini ko‘rib qolganda ham shartli refleks yo‘li bilan so‘lagi ajralishi mumkin. Hayvon yangi moddalarni (garchi ular eb bo‘ladigan moddalar bo‘lsa ham) ko‘rganda esa so‘lagi oqmaydi. Odam yoki itning og‘iz bo‘shlig‘iga bir necha bor kislota quyilsa yoki ovqat berilsa, keyinchalik eritma quyish yoki ovqat eyishga aloqador manipulyasiyalarning o‘zigina so‘lak ajralishiga sabab bo‘ladi. Bunda so‘lak bezlari sek­retsiyasi uchun shartli ta’sirot bo‘lib qolgan ko‘rish, tovush, hid bilish va boshqa ta’sirotlar so‘lak oqishiga sabab bo‘ladi.