Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastrini yuritish to‘G‘risida

5-bob. Kadastr ma’lumotlarini hududiy darajaga taqdim etish

20. Hayvonot dunyosi obyektlari bo‘yicha kadastr ma’lumotlarining to‘ldirilgan shakllari tashkilot, xo‘jalikning vakolatli shaxsi va rahbari tomonidan imzolanib,

muhr bilan tasdiqlanadi.

21. Tashkilot, xo‘jalikning vakolatli shaxsi tomonidan hayvonot dunyosi obyektlari bo‘yicha birinchi darajadagi kadastr ma’lumotlari hududiy darajada O‘zbekiston

Respublikasi Ekologiya va atrof-muhitni muhofaza qilish davlat qo‘mitasining (keyingi o‘rinlarda Davlat ekologiya qo‘mitasi deb ataladi) vakolatli bo‘linmalariga hisobot

davridan keyingi yilning 15-fevraligacha ro‘yxat asosida taqdim etiladi.

22.  Tashkilot,  xo‘jalikning  vakolatli  shaxsi  tomonidan  Davlat  ekologiya  qo‘mitasining  vakolatli  bo‘linmalariga  taqdim  etiladigan  kadastr  ma’lumotlari

hayvonlarning turlar bo‘yicha tarqalish rejasi, to‘ldirilgan shakllar va ilova xatidan iborat bo‘ladi.

23. Kadastr ma’lumotlari hududiy darajaga taqdim etilgandan so‘ng ro‘yxatdan o‘tkazish kitobining “Hayvonot dunyosini har yili davlat tomonidan hisobga olish

ma’lumotlari” deb nomlangan 4-bo‘limida “Hisobot yili uchun kadastr ma’lumotlari Davlat ekologiya qo‘mitasining vakolatli bo‘linmasiga berildi” yozuvi qayd etiladi va

kadastr  ma’lumotlarini  yuborish  to‘g‘risidagi  ilova  xatining  raqami  hamda  sanasi  ko‘rsatiladi.  Ilova  xati  vakolatli  shaxs  imzosi  bilan  tasdiqlanib,  uning  nusxasi  qabul

qilingani haqida belgi qo‘yilgan holda ro‘yxatdan o‘tkazish kitobiga yopishtiriladi.