Guruh Qóziyeva Gulhayo 5 Назорат саволлари: Демократия ва миллий ғоя

2. Демократик принципларнинг миллий ғоя мақсадлари билан ўзаро боғлиқлиги.
миллий ғоя — миллий ривожланиш локомотиви. Бунда давлатчилик ғояси, давлат ва унинг раҳбарига ҳурмат, миллий давлат салоҳияти билан фахрланиш ҳам муҳим ўрин тутади. "Бу — менинг халқим, бу — менинг "Ватаним", деб фахрланган одам "Бу — менинг давлатим" дея фахрлана олиши ҳам керак. Давлат бир организм сифатида ўзини такомиллаштириб, демократик жамиятни ташкил этувчи куч сифатида ҳар доим миллат равнақига раҳнамо бўлиб туради. Ўзбекистоннинг истиқлол давридаги ривожланиши, ўзига хос тараққиёт йўли буни исботлаб турибди.
Демак, миллий ривожланиш омиллари қуйидагилардан иборат:
1. Миллий ғояга асосланган бунёдкорлик, фидойилик ва ватанпарварлик.
2. Миллий-маънавий юксалиш ва илмий салоҳият, маданий даражанинг баландлиги.
3. Миллий якдиллик, сиёсий барқарорлик.
4. Мустаҳкам миллий давлатчилик асосларининг мавжудлиги.
5. Миллий ўзликни англашнинг юксак даражада бўлиши ва бошкалар.


3. Демократиянинг Шарқона ва Ғарбона талкини.
Ўзбекистон ўз жўғрофий жойлашувига кўра, қадимдан Шарқ ва Ғарб тамаддунлари мулоқотга киришадиган, кенг миқёсдаги сиёсий, иқтисодий ва маданий-мафкуравий алоқалар амалга ошириладиган ҳудуд сифатида ажралиб туради. Миллий давлатчилигимизнинг шаклланиш ва ривожланиш босқичларига назар ташласак, бир томондан, бу жараёнга ташқаридан туриб ғоявий-мафкуравий таъсир кўрсатишга уринишлар, шу орқали ушбу муҳим стратегии ҳудудда ўз манфаатларини ҳимоя қилишга интилишлар барча даврларда бўлганига, иккинчи томондан, миллий давлатчилигимизга хос хусусиятлар дои¬мо менталитетимизга ёт бўлган зарарли ғоялар билан курашиб келганига гувоҳ бўламиз.
Айниқса, ҳозирги глобаллашув даврида дунёда кескин ғоявий курашлар ва турли мафкуралар тўқнашуви, демократия ёки турли диний таълимотлар шиорлари билан ниқобланган ёвуз ғояларни сингдиришга интилиш кучайиб бормоқда. "Ишончим комилки, — деб таъкидлаган эди биринчи Президентимиз Ислом Каримов Олий Мажлис Қонунчилик палатаси ва Сенатининг қўшма мажлисидаги маърузасида — демократияни ва турли "очиқ жамият моделлари"ни экспорт қилиб бўлмаганидек, давлат қурилишининг универсал лойиҳасини ҳам ташқаридан импорт қилиш ёки тиқиштириш мумкин эмас. Аслида, ҳаммага бирдек маъқул бўладиган бунақа моделнинг ўзи умуман йўқ. Лўнда қилиб айтганда, биз тадрижий, яъни эволюцион изчиллик хусусиятларига эга бўлган ислоҳот ва ўзгаришлар тарафдоримиз. Фақат бу янгиланишлар ижтимоий муносабатлар ва турмуш тарзининг ўзгариши, одамлар онгида демократик қадриятларни мустаҳкамлаш билан чамбарчас боғлиқ ҳолда амалга оширилиши даркор" .
Дарҳақиқат, Ўзбекистонниш ҳозирги тараққиёт босқичида Ғарб мамлакатлари ва халқларига хос бўлтн «соф ғарбона демократия» моделлари ҳам, айрим мусулмон мамлакатларида кенг ёйилган «соф ислом давлати» ёки «соф ислом демократияси» моделлари ҳам, уларни экспорт қилишга уринишлар ҳам зарарлидир. Биз ўз миллий тараққиёт моделимизни барпо этиш орқалигина миллий хусусиятларимизга, азалий шаклланган урф-одат ва қадриятларимизга, халқимиз турмуш тарзига ёт бўлган турли «демократия моделлари»га қарши самарали кураша оламиз. Бунинг учун жамиятни модернизация қилиш, амалга оширилаётган туб ислоҳотларни изчил давом эттириш, халқимизнинг турмуш фаровонлигини узлуксиз ошириб бориш йўлидаги кенг кўламли ўзгаришларни амалга оширишга катта эътибор берилмоқда. "Шу сабабли, — деб таъкидлаган эди биринчи Президентимиз Ислом Каримов — агар биз ўзимиз замин яратиб кўймасак, ижтимоий жараёнларга ташқаридан туриб аралашув ҳеч қандай самара бермайди. Бугунги кунда "демократияни олға силжитиш" деб аталаётган муайян технологияларнинг шакллангани — бу энди бошқа гап, мисол учун, ҳозир худди Ироқда бўлаётганидек. Яъни, маълум бир мамлакатда, айтайлик, "де¬мократия тақчиллиги" мавжуд, ушбу мамлакат халқига ана шу тақчилликдан халос бўлишга ёрдам бериш керак деб ҳисобланади. Бунинг учун катта маблағлар ажратилиб, тегишли кучлар йўналтирилади. Бундан кўзланган мақсад — тўнтариш уюштириш ва ана шундай "тақчиллик"ни вужудга келтирган ва авж олдирган раҳбариятни йўқотишдан иборат. Мана шундай холатларда "бахмал ўзгариш"лар технологиялари ишга тушади: аввалги ҳокимият нисбатан тинч йўл билан, қурбонларсиз кетиши, унинг ўрнини бошқа, мазкур технологиялар манфаатларига жавоб берадиган кучлар эгаллаши кўзда тутилади" .