Гулистон давлат университети

5-МАВЗУ. БИЗНЕС РЕЖА ИШЛАБ ЧИҚУВЧИ КОРХОНА БАЁНИ

5.1. Бизнес-режанинг титул варағи, аннотацияси, мундарижаси ва кириш қисми.
5.2. Бизнес-режанинг резюмеси (қисқача мазмуни)
5.3. Корхонанинг тармоқдаги ва бозордаги ҳолати таҳлили

5.4. Корхонани баҳолаш

Таянч сўз ва иборалар:бизнес режанинг титул варағи, кириш, аннотация, резюме,тадбиркорлик қобилияти, бизнеснинг ташқи ва ички мухити, рақобат, рақобатнинг интенсивлиги, сотиш каналлари, патентлар, интелектуал мулк, инфляция, Валютанинг турғунлиги, SWOT-таҳлили.
5.1. Бизнес-режанинг титул варағи, аннотацияси, мундарижаси ва кириш қисми.

Бизнес-режа титул варағидан бошланади²⁵. Бизнес-режани титул варағи ихчам, тушунарли ва жозибадор бўлиши, ортиқча тафсилотлардан ҳоли тузилиши керак. Унда корхонанинг номи манзилгоҳи, бизнес-режанинг номланиши ва тузилган вақти ҳамда муаллифлари тўғрисида маълумотлар кўрсатилади. Титул варағида маълумотларни ошкор қилмаслик бўйича махфийлик меморандуми баён қилинади, чунки бизнес-режа бўлимларида корхона иқтисодий хавфсизлигига салбий таъсир қилувчи маълумотлар рақобатчилар манфаатларига хизмат қилмаслиги керак. Бундан ташқари тақдим этилган бизнес-режа ҳамкор ёки инвесторда қизиқиш уйғотмаса муаллифга қайтарилиши тўғрисидаги талаб жойлаштириш мумкин.

Бизнес-режанинг титул варағи қуйидаги тартибда расмийлаштирилиши мумкин:
Корхона ______________________________________________
Манзил_______________________________________________
Телефон__________Факс__________Интернет сайти_________
Маълумотлар сир сақлансин.
Лойиҳа сизни қизиқтирмаса марҳамат қилиб муаллифга қайтаринг.
Кимга________________________________________________
Лойиҳанинг қисқача номи(20-30 белгигача)
Лойиҳанинг тўла номи___________________________________
Корхона раҳбари___________тел.______электрон манзил _____
Лойиҳа муаллифи_______тел.________ электрон манзил ______
Лойиҳани амалга оширишнинг бошланиши___________________
Лойиҳа давомийлиги_____________________________________
Дастлабки маълумотлар ўз долзарблигини сақлаб қоладиган муддат, лойиҳа бошланиш вақтидан бошлаб_______ой
Тузиш санаси__________________йил.

Титул варақдан сўнг мундарижа тузилади ва унда бетлари кўрсатилган холда режанинг бўлимлари келтирилиб, лойиҳа хусусиятларидан келиб чиққан холда алоҳида муҳим қисмлари ажратиб кўрсатилади.

Аннотацияда бизнес-режанинг мақсади ва асосий мазмуни қисқача 0,5 - 2 бетда баён қилинади. Аннотация юқори раҳбарият, ёзма мурожатлар, реклама эълонлари учун мўлжалланган бўлади.
Аннотация қуйидаги тартибда режалаштирилиши мумкин:
Корхона_______________________________________________________
Манзил________________________________________________________
Телефон_____________Факс___________Электрон манзил_____________
Корхона раҳбари________________________________________________
Таклиф этилаётган лойиҳа моҳияти ва амалга ошириш жойи__________
Лойиҳани амалга оширишдан натижалар___________________________
Лойиҳанинг умумий қиймати______________________________________
Зарурий (жалб қилинадиган) молиявий ресурслар_____________________
Лойиҳани қопланиш муддати______________________________________
Кутилаётган ўртача йиллик фойда_________________________________
Инвестор иштирокининг шакли ва шароитлари______________________
Инвестицияларни қайтариш имкониятларининг кафолатлари__________
Бизнес-режанинг кириш қисмида унинг вазифалари ва уни бажарувчи шахслар кўрсатилади. Бундан ташқари ушбу лойиҳани ёки инвестицион ғояни амалга ошириш зарурати нима учун туғилганлигини таъкидлаб ўтиш мақсадга мувофиқдир.